Nyanra Njekawkulege 7:38 - Nouveau Testament en Gulay 2004

³⁸ Loo ke ndɔ ke kosdooge ke Israel kebi nan kêm dile’t nga, Moise nè è dann de’t. E è kuwe á ndɔ ke unn tà ke doo ke danrán ede’n dè mbal ke ri’n nè Sinai ede kà jéige. E taa tàge ke le ndii’n kumgajer ra Nube’t ree’n ade jèi.

Nyanra Njekawkulege 7:38 ပူးပေါင်းရင်းမြစ်များ

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 6:63

Ndil á ade doo ndi kumgajer. Doo se dè ra’n ase ra nyan karé lé. Tàge ke man m’ede sei nga in ra Ndil’t. E tàge nè á à ade a i ndii kumgajer.

Nyanra Njekawkulege 7:30

Moise uwe nanm ase ɓal kɔr-sɔ kêm ɓeekon ke Madian nè nga. Ndɔ karé bè, doo ke danrán tee dènn’t pan kêm dile’t kɔte mbal ke ri’n nè Sinai. Doo ke danran nè nga nda dann ndon por ke on bilm-bilm dè ngonn kage’t.

Nyanra Njekawkulege 7:35

Moise nè nga kété ngakonnge ke ei Israelge uteii mbeng se tà edi nè: «Ké nan á undei ke ngar a, ke njèkɔr kum tà le jé wa?» E è nè kuwe á Nube ule’n ke ngar a, ke njè taa de kinye dɔ takul tɔgmong le doo ke danrán ke kété tee dènn’t pan. Doo ke danrán nga ndɔ ke nda dann ndon por ke on bilm-bilm dè ngonn kage’t.

Nyanra Njekawkulege 7:53

Sei ingei gute-ndu Nube se rebe ke ra dooge ke danrán, nè sei an-in dè gute-ndu nè nga sêw-sêw lé.

Nje Ke Rome 3:2

Nonkar le doo ke è Juip è ngain ɔje dè nyange bule. E Juipge á Nube ule se tàge le’n ade de kété ke desêin.

Nje Ke Rome 9:4

Dé nè nga, dé dooge ke ndɔ ke Nube tel de ke ngann’n. D’an ndubra le’n se kum de a, è mann ra’n ade de a, è ade de gute-ndu’n a, inye loo ade dé ra kule d’ade’n a, è unn ndu’n ade de a tɔ.

Nje Ke Galatie 3:19

A ɓaa, ké kule le gute-ndu nga è ri wa? Gute-ndu nga ree oré dè ndukunn le tɔje dooge nyanra de ke uwe made nan se le Nube lé. Gute-ndu nga tò sár ade ngonnkà Abraham ke Nube unn ndu’n ɔje’n dè’n nga ree’n. Gute-ndu nga è dooge ke danrán á ndɔ ke undei ɓita umi ji njè ndà dann de’t se dooge ɓai.

Hebreuge 2:2

Tà ke ndɔ ke dooge ke danrán ndói kà jéige nga, ke nè á doo karé al dè éké unn mbi’n dè’t ɓaa, kure’n à ɔde kum’n se go rebe’n titeke d’ɔje’n nga kuwe.

Hebreuge 4:12

Tà le Nube è tà ke tò kumgajer ke ra kule ngain dum kuye kaskar ke ate ngang joo. E aw sár tee ngarankem̂ doo’t se tàgir le’n, se dè kur rage se wubu ke kem̂ kinge ra’t a tɔ. Tà le Nube ndi ter tàgir le doo ke dè ɓengrenn’t se nyan ke doo ɔje kem̂n’t le ra ɓai a tɔ.

Hebreuge 5:12

Kò si tò ngain kade né gar-gar ɓila sei njéndó nyan made sige ta. Nè ɗarinè, sei awi ndoo kade dé tel dé ndó sei nyange le Nube titeke dé ndó’n sei nyange desêin kuwe ɓai-ɓai. Sei teli tooi asinan se ngannge ke awi ndoo mbà se mur ke mɔré tá bè.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.