Nyanra Njekawkulege 7:25 - Nouveau Testament en Gulay 2004

²⁵ E gir kêmn’t ede nè bainléa ngakonnge à geri titeke Nube à taa de kinye de dɔ takul’n n’ee; nè ei geri ke bè lé.

Nyanra Njekawkulege 7:25 ပူးပေါင်းရင်းမြစ်များ

Marc 9:32

Njékuwe-gir-Jésuge geri tàge nè nga njai lé ɓai, nè ei ɓeli le deji nin gir.

Tà ke Maje ke Luc ndang 18:34

Nè njékuwe-gir-Jésuge geri gir tà nè nga lé tede è tà ke tò mek.

Tà ke Maje ke Luc ndang 9:45

Nè njékuwe-gir-Jésuge geri tà nè nga lé. D’ade gir tà nè tò putru kum de’t tede kade dé ger’n gir njai lé. Nè né è bè géa, njékuwe-gir-Jésuge ɓeli dejii tà dè tà’t nè tɔ.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 15:4

Loo ke Paul se Barnabas se dooge ei se de teei kêm ɓee-bò ke Jérusalem ɓá ɓaa, njékebe nange le Nube a, njékawkulege a, se ngatɔgege a tɔ uwei de mba se maje’n. Paul se Barnabas ɔri ser nyange malang ke Nube ra se adi d’oo.

Nyanra Njekawkulege 15:7

Loo ke ei naji nan tà kò de heb ɗàk ɓá ɓaa, Pierre in dɔ ede de ede nè: – Ngakonmge, sei geri mbak titeke Nube ɔr’m dann si’t mari bere tede kade m’ile mber Tà ke Maje m’ade dooge ke ei Juipge lé ooi. Titeke bè á à undei kêm de dè Kuwe-ɓee Jésu’t.

Nyanra Njekawkulege 21:19

Loo ke Paul ra de lapya ɓá ɓaa, è unn gir kɔr ser nyange karé-karé malang ke Nube ade ra dann dooge ke ei Juipge lé nga ade d’oo.

Nyanra Njekawkulege 7:24

Loo ke è aw ɓaa, è an ngokon’n karé ke doo ke Egypte nda à ra’n majelé. Moise unde doo ke Egypte nè nga tɔl dal’n ban le ngokon’n ke ra’n majelé.

Nyanra Njekawkulege 7:26

Barè lookar’n, Moise an ngakonnge ke ei Israelge kuwe joo mbak ndai à rɔi nan. E aw gɔr de ede nè: «Sei sei ngakon nange, ké bain á sei kuwe i ndai i rai nan majelé titeke bè wa?»

Nje Ke Rome 15:18

M’ndige tam tà ke rang karé lé. Nè ke nè á ɗarinè m’tam tà ɓaa, è tà le nyan ke Krist ade m’ra á m’ree’n se dooge ke ei Juipge lé m’ade ilei koje dè Nube’t. Njé ke ei Juipge lé ilei koje dè Nube’t tede nyanra’m se tà tam’mge,

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Colosses 1:29

Gir’n ke nè á m’ra’n kule m’ɔr’n yàl-yàl a, m’rɔ’n se go tɔg le Krist ke ra kule ram’t ngain.