Nyanra Njekawkulege 6:9 - Nouveau Testament en Gulay 2004

⁹ Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nyanra Njekawkulege 6:9 ပူးပေါင်းရင်းမြစ်များ

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 23:34

Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Matthieu 27:32

Loo ke njérɔge à undei loo le teei se Jésu kawi se’n gide ɓee-bò’t nata ɓaa, ei ingei dingem karé ke ɓee le’n è Cyrène deĵ. Ei undei tɔg dènn’t le kade unn kage-ke-dese le Jésu nga oto. Dingem nè nga ri’n nè Simon.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 15:23

Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 18:24

Dingem karé bè è Juip ri’n nè Apollos, ɓee koje’n è Alexandrie, ree kêm ɓee-bò ke Ephèse tɔ. Dingem nè nga è doo ke ger tam tà ngain a, ger magtubge le Nube ngain a tɔ.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:26

Nyan ke Paul ra nga, sei an-in se kum si a, ooi tà’n se mbi si a tɔ. E kêm ɓee-bò ke Ephèse nè á se kar’n lé, nè nain ngɔr kade è ɓeekon ke Asie bere mbak kuwe Paul nè nga um tà kêm doobulege’t ase tà’t ade teli ei lennge. Taɓai è tam titeke magege ke dooge rai de se ji de nga, ei magege lé.

Nyanra Njekawkulege 21:27

Loo ke nain ngɔr kade ndɔ ke ji sejimute ke ɔje dè kɔr ra gonm ase deĵ ɓaa, Juipge ke kêm ɓeekon ke Asie an-in Paul kêm kei’t le Nube. Juipge nè nga sulei doobulege malang adi awi dè nan’t kutri a, adi uwei Paul a tɔ.

Nyanra Njekawkulege 21:39

Paul tam ede nè: – Man m’ee Juip ke ɓee-bò ke Tarse, ɓeekon ke Cilicie. Man nga m’ee doo ke kêm ɓee-bò ke ri’n ɓar ngain. Kɔkerɔ karè, inye loo ade m’ede kosdooge tà.

Nyanra Njekawkulege 22:19

M’tel m’ede’n m’ede nè: «Kuwe-ɓee, dooge geri mbak titeke è man kuwe á m’aw se kêm kei kebe nan, kêm kei kebe nan, m’tuwe njé ke undei kêm de dèi’t. M’unde de se ndêin maru a, m’um de dangai’t a tɔ.

Nyanra Njekawkulege 22:3

– Man m’ee Juip. D’oje’m kêm ɓee-bò ke Tarse, ɓeekon ke Cilicie, nè koto á d’oto’m kêm ɓee-bò ke Jérusalem nè. M’ndó nyan ra Gamaliel’t ade m’ger’n loo kan dè gute-ndu le kà jéige sêw-sêw. Ra’m olé pêl-pêl dè nyan’t le Nube tite si sei malang ɗarinè tɔ.

Nyanra Njekawkulege 23:34

Loo ke njèkonɓee tute magtub nè ɓá ɓaa, è deje Paul ede nè: – Ké i nga i doo ke ɓeekon ke ra wa? Paul ilé dè’t ede nè: – Man doo ke beekon ke Cilicie.

Nyanra Njekawkulege 24:18

M’ndi m’ade d’a d’ɔr’m gonm kêm kei le Nube. Juipge ke nange in-in ɓeekon ke Asie reei ingei man dè’t. Doobulege gotoi se’m a, tà ɓar jiki ade dooge awi dè nan’t kutri lé a mbak.

Nyanra Njekawkulege 26:11

Nja bule, m’aw se kêm kei kebe nange karé-karé malang, m’ra se de nyan ke tur. Taɓai m’unde tɔge dè de’t le kade d’inye go ri Jésu. Wong ra’m dè de’t ngain gée ade m’ɔr de kororoi sár m’tee se de heb se dè ɓee, dè ɓee.

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

1 Nje Ke Corinthe 1:20

Ké tà ri á njèkumkunju ase tam ɓai wa? Ké tà ri á njèkɔrgir gute-ndu ase tam ɓai wa? Gos nyanger ke dè nang nè nga, Nube tel’n ke nyan mbe.

Nje Ke Galatie 1:21

Go’t gugu, m’in m’aw kem̂ ɓeege’t le ɓeekon ke Syrie se ɓeekon ke Cilicie.