Nyanra Njekawkulege 6:7 - Nouveau Testament en Gulay 2004

⁷ Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 6:7 ပူးပေါင်းရင်းမြစ်များ

Matthieu 19:30

Dooge ngain ke ei ngawtà made dege ɗarinè nga, à teli k’ei njékutu go made dege. Dooge ke ei njékutu go made dege ɗarinè à teli k’ei ngawtà made dege a tɔ.

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Jean 12:42

Nè nè bè géa, dooge ngain dann njékɔr non Juipge’t undei kêm de dè Jésu’t. Nè rai se go ngein tede rɔ ke Pharisienge à rɔi de kêm kei kebe nan’t.

Nyanra Njekawkulege 12:24

Loo ke ngar Hérode wei ɓá ɓaa, tà le Nube ra tɔge ke kété-kété a, taa loo pel-pel a tɔ.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 19:20

Titeke bè á tà le Kuwe-ɓee ra’n tɔg ke kété-kété a, taa’n loo pel-pel a tɔ, takul tɔgmong le Kuwe-ɓee.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 16:26

Nè ɗarinè, Tà ke Maje nè nga kile ra’n ke nata. Titeke bè á dooge malang ke ei Juipge lé asikum ger Tà ke Maje le Krist takul magtubge ke njéribe-dè-tàge ke tà Nube’t ndangi. Nube ke Njèndi se non unn ndukunn nè nga titeke bè le kade dooge malang undei kêm de dènn’t a, ilei koje dènn’t a tɔ.

Nje Ke Galatie 1:23

Nè ei ooi tà le’m ke dooge tami edi nè: «Njè kɔr jèi kororoi kété nga, ɗarinè ndi ile mber Tà ke Maje le kundekem̂ dè Nube’t ke ndɔ ke ndige tuju’n nga.»

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

Hebreuge 11:8

Takul kundekem̂ á Abraham ile’n koje dè ɓar ke ndɔ ke Nube ɓar’n. Abraham in aw kem̂ ɓeekon ke ndɔ ke Nube unn’n ndu’n le kade’n. E in jain aw nal ger loo ke get ke è ndi à aw ke tutu.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Jude 1:20

Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.