Nyanra Njekawkulege 6:14 - Nouveau Testament en Gulay 2004

¹⁴ N’ee karé ke n’nda nè kuwe n’tel n’tam ɓai n’ede nè: «Jésu ke Nazareth nga à tête kei le Nube nè kɔke a, à tel tur girkà ke Moise inye ade jèi nga a tɔ.» Jè kuwe j’oo tà nè se mbi jé.

Nyanra Njekawkulege 6:14 ပူးပေါင်းရင်းမြစ်များ

Matthieu 26:61

– Doo nè nga ndɔ ke tam ede nè: n’asekum tuju gile kei ke tò se ninn’n le Nube nga kɔke le tel ra rang dann ndɔ mute ke mute nè.

Marc 14:58

– Ndɔ ke n’tam n’ede nè: N’a n’tuju kei le Nube ke dooge rai nè nga kɔke. Nè ndɔ ke njékon’t mute ɓaa, n’a n’tel ra è ke rang ke dooge à rai lé ta. Ndɔ ke n’tam n’ade jè kuwe j’oo se mbi jé.

Tà ke Maje ke Luc ndang 21:24

D’a tɔl njé ke nange se kuye kaskar a, d’ade tuwe njé karége kaw se de ɓer se looge gai-gai dann girkoje dooge’t malang. Girkoje dooge gai-gai à tubei ɓee-bò ke Jérusalem nang mbajer-mbajer sár kade ndɔ konɓee le de ase’n deĵ.

Tà ke Maje ke Luc ndang 21:6

– E ke nè á è nyange ke sei oréi kum si dè’t ɗarinè. Nè ndɔ karé ke rang herge ke mbirin-mbin ke se an-in nè nga, d’ade jɔrè de nang bɔrɔr-bɔrɔr. Karé bè ke à nain dè made’t goto.

Jean 2:19

Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Jean 4:21

Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.

Nyanra Njekawkulege 15:1

Dooge ke nange in-in kêm ɓeekon ke Judée reei kêm ɓee-bò ke Antioche, ɓeekon ke Syrie. Ei ndói nyan njétaakêm-Kristge edi nè: – Ke nè á adi d’uje tà mɔte si se go gute-ndu le Moise lé ɓaa, Nube à aje sei ndan lé.

Nyanra Njekawkulege 21:21

Nè d’ede de titeke i ndó Juipge ke ndii dann dooge ke ei Juipge lé le kade tɔri ji de gir gute-ndu’t le Moise. Taɓai d’ede de d’ede nè i ndó Juipge le kade mbati kuje tà mɔte ngann dege a, le kade mbati rai nyangirkàge le jéi a tɔ.

Nyanra Njekawkulege 25:8

Paul tam tà dè rann’t ede nè: – Man m’ra nyan karé ke majelé m’al’n tà tà gute-ndu’t le Juipge, éké m’al’n tà tà ngar César’t lé. M’ra nyan karé m’nede’n kei le Nube le jéi nga lé a tɔ.

Nyanra Njekawkulege 26:3

I ger nyan girkà se tà najege le Juipge nga maje dum doo ke rang. Gir’n ke nè á m’deji le kade ile kêmi pon oo’n tà le’m.

Nyanra Njekawkulege 28:17

Ndɔ ke njèkon’t mute, Paul ule kule ɓar njékɔr non Juipge le kade reei ingei nin. Loo ke ei ɔsi nja nan reei ingei nin ɓá ɓaa, è ede de ede nè: – Ngakonmge, m’ra nyan karé bè m’ute’n kosdooge éké nyangirkà le kà jéige mbeng lé. Nè né è bè géa, d’uwe’m d’ile’m dangai’t Jérusalem nú sár ɗarinè d’ule’m ji dooge ke Rome nè ta.

Nje Ke Galatie 3:19

A ɓaa, ké kule le gute-ndu nga è ri wa? Gute-ndu nga ree oré dè ndukunn le tɔje dooge nyanra de ke uwe made nan se le Nube lé. Gute-ndu nga tò sár ade ngonnkà Abraham ke Nube unn ndu’n ɔje’n dè’n nga ree’n. Gute-ndu nga è dooge ke danrán á ndɔ ke undei ɓita umi ji njè ndà dann de’t se dooge ɓai.

Nje Ke Galatie 3:23

Kété ɓita kade Krist ke j’undei kem̂ jéi dènn’t ree ɓai nga, gute-ndu uwe jè dangai utu tà jé kei sár ade Krist ke j’undei kem̂ jéi dènn’t ree’n.