Nyanra Njekawkulege 6:12 - Nouveau Testament en Gulay 2004

¹² Dé tam tà nè nga bè dé sule’n kosdooge se ngatɔgege a, se njéndang magtubge a tɔ. Gir’n ke nè á ei in-in bati Etienne uwei nin, ndɔri nin awi se’n non njégangtàge’t.

Nyanra Njekawkulege 6:12 ပူးပေါင်းရင်းမြစ်များ

Matthieu 26:57

Njékɔrgir gute-nduge se ke ngatɔgege ɔsi nja nan kêm kei le Caiphe maw njèkuje nyan-mese ndii ngineii. Njé ke reei uwei Jésu nga, awi se’n ra de’t.

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Tà ke Maje ke Luc ndang 20:1

Ndɔ karé bè, Jésu ndi ndó dooge nyan a, ile mber Tà ke Maje kêm kei le Nube a tɔ. Maw njékuje nyan-mesege se njékɔrgir gute-nduge undei loo teei pan se dooge ke kum de unju ɓaa, ei deji Jésu edi nè:

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 18:12

Loo ke Gallion ee’n njèkonɓee ke ɓeekon ke Achaie nga, Juipge umi tà le de nan’t karé in-in uwei Paul awi se’n loo gangtà’t edi nè:

Nyanra Njekawkulege 21:27

Loo ke nain ngɔr kade ndɔ ke ji sejimute ke ɔje dè kɔr ra gonm ase deĵ ɓaa, Juipge ke kêm ɓeekon ke Asie an-in Paul kêm kei’t le Nube. Juipge nè nga sulei doobulege malang adi awi dè nan’t kutri a, adi uwei Paul a tɔ.

Nyanra Njekawkulege 5:18

uwei njékawkulege umi de kêm kei dangai’t le njékonɓeege.

Nyanra Njekawkulege 5:27

Loo ke ei reei se de ɓá ɓaa, ei awi se de non njégangtàge’t. Maw njèkuje nyan-mese deje njékawkulege ede nè:

Nyanra Njekawkulege 6:11

Loo ke ei an-in bè ɓaa, ei adi dooge ke rang nar le libe’n kum de le kade tami edi nè: – Tà ke majelé ke ndɔ ke Etienne tam ɔje dè njèyo Moise a, se dè Nube a tɔ nga, jè kuwe j’oo se mbi jé.