Nyanra Njekawkulege 6:11 - Nouveau Testament en Gulay 2004

¹¹ Loo ke ei an-in bè ɓaa, ei adi dooge ke rang nar le libe’n kum de le kade tami edi nè: – Tà ke majelé ke ndɔ ke Etienne tam ɔje dè njèyo Moise a, se dè Nube a tɔ nga, jè kuwe j’oo se mbi jé.

Nyanra Njekawkulege 6:11 ပူးပေါင်းရင်းမြစ်များ

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 9:29

Jè ɓaa, jè ger titeke Moise á ndɔ ke Nube ede’n tà. Nè doo nyan le doo nè nga, jè ger loo ke in tutu lé.

Nyanra Njekawkulege 15:21

Unn gir kété mari nga, dooge ilei mber gute-ndu le Moise kêm ɓee-bòge karé-karé malang a, dé tute gute-ndu le Moise kêm kei kebe nange’t se ndɔ taa kebege karé-karé malang a tɔ.

Nyanra Njekawkulege 18:6

Nè loo ke Juipge utei tà le Paul mbeng a, taji nin a tɔ ɓaa, è yei kubuge le’n yák-yák ede de ede nè: – Maje kade mese si oso dè si sei’t kuwe! Man ɓaa, tà le mese si à uwe dè’m lé. Unn gir ɗarinè, m’a m’tel ra’m ke ra dooge ke geri Nube lé’t ta.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 25:3

– Kɔkrɔ karè, ade dé ree se Paul Jérusalem tá à nel jè ɓai. Dé ra gos titeke bè tede kum’n rebe le tɔl’n.

Nyanra Njekawkulege 25:7

Loo ke Paul ree tee pan ɓaa, Juipge ke in-in Jérusalem an-in dè’n girm. Ei têti tàge gai-gai ke tooi ɓel undei tànn’t. Nè è tàge ke se dè naje’n lé kuwe malang.

Nyanra Njekawkulege 26:11

Nja bule, m’aw se kêm kei kebe nange karé-karé malang, m’ra se de nyan ke tur. Taɓai m’unde tɔge dè de’t le kade d’inye go ri Jésu. Wong ra’m dè de’t ngain gée ade m’ɔr de kororoi sár m’tee se de heb se dè ɓee, dè ɓee.

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

Nyanra Njekawkulege 6:12

Dé tam tà nè nga bè dé sule’n kosdooge se ngatɔgege a, se njéndang magtubge a tɔ. Gir’n ke nè á ei in-in bati Etienne uwei nin, ndɔri nin awi se’n non njégangtàge’t.

Nyanra Njekawkulege 6:13

Taɓai d’aw d’ɔr njé tà lanmge dé ree se de d’ade tami edi nè: – Doo nè tam tà ke majelé ɔje’n dè kêm kei ke tò se ninn’n le Nube a, ɔje’n dè gute-ndu le Moise a tɔ. E tam tà ke majelé nè nga kum’n ke kété-kété m ebe ra’n lé ɓai.

Nje Ke Rome 3:8

Dooge ke nange ulei tà gir jé’t edi nè è jè á jè sule dooge j’ede nè: «Ade jè rai majelé tede kade ra maje tee’n tutu.» Dooge ke titeke bè nga, tà ke dé gang dè de’t è se dè naje’n kuwe.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.