Nyanra Njekawkulege 6:1 - Nouveau Testament en Gulay 2004

¹ Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 6:1 ပူးပေါင်းရင်းမြစ်များ

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 2:45

D’ige looge le de se nyan-majege le de ɓaa, dé kaiya nan nar’n se go nyange ke d’aw ndoo’n.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 4:35

umi non njékawkulege’t ade dé kai de karé-karé malang se go nyan ke d’aw ndoo’n.

Nyanra Njekawkulege 4:4

Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.

Nyanra Njekawkulege 5:14

Kosdoo-bulege ngain, dingemge se dinyege ke undei kêm de dè Kuwe-ɓee Jésu’t nga kɔr de in dè made’t ke kété kété.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 6:2

Njékawkulege ke dɔg-gidé-joo ɓari kos njékuwe-gir-Jésuge edi de edi nè: – Kade j’inyei go tà le Nube le tel k’ee njé nobo nyankusege nga, tuwe jè ɗêw lé karè.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 9:29

Saul ɔje tà se Juipge ke tami tà grec a, naje se de tà a tɔ. Nè ei nè nga sangi le kade dé tɔl’n.

Nyanra Njekawkulege 9:39

Pierre in aw se dooge ke joo nè nga nan’t. Loo ke è tee Joppé ɓá ɓaa, d’ɔr non’n d’aw se’n kêm kei ke dɔ dè made’t. Njékei-kingege malang reei an-in dè Pierre girm se non tà de’t jik-jik. Taɓai dé tɔje’n kubuge gai-gai ke Dorcas ra ade de loo ke è ndii’n kumgajer ɓai nga.

Nyanra Njekawkulege 9:41

Pierre ule ji’n ade Tabitha uwe in’n dɔ. Pierre tel ɓar njétaakêm-Kristge se njékei-kingege ule’n ji de’t kumgajer.

Nje Ke Rome 12:7

Ke nè á doo karé inge nyan-noje ke ɔje dè nobo nyan njéndooge ɓaa, maje kade tɔse kum’n dè’t. Ke nè á doo karé inge nyan-noje ke ɔje dè ndó nyan dooge ɓaa, maje kade tɔse kum’n dè nyan-ndó’t.

1 Nje Ke Corinthe 10:10

I ɓari tà nyon-nyon titeke ndɔ ke njé ke nange dann de’t ɓari Nube nga lé. Njé ke ndɔ ke ɓari Nube nga, njè tɔ ko dooge in danran ree tuju de ndát-ndát kɔke.

2 Nje Ke Corinthe 11:22

Dooge nè nga, ke nè á ei Hébreuge ɓaa, man géa m’ee Hébreu tite de bè tɔ. Ke nè á dooge nè ei Israel ɓaa, man géa m’ee Israel tɔ. Ke nè á ei ngannkà Abraham ɓaa, man géa m’ee ngonnkà Abraham tite de bè tɔ.

Nje Ke Philippes 3:5

D’oje’m m’ra ndɔ sɔsɔ ɓaa, d’uje tà mɔte’m. Man m’ee girkoje Israel ke kon’m ɓéee, man m’ee girkà le Benjamin. Man m’ee Hébreu ke koje kei se go gute-ndu le Pharisien.

1 Timothee 5:3

Ngarankum njékei-kingege nga, ile koje dè de’t.

1 Timothee 5:9

Njèkei-kinge ke ɓal’n ase kɔr-mute-mute lé ɓai nga, è tà le ndang ri’n kem̂ magtub ke ɔje dè njékei-kingege nga lé; ke nè á ɓal’n ase kɔr-mute-mute géa, gar-gar maje kade ndɔ ke è njè taa ngaw gir karé bere m è njè taa ngaw kage ke kété-kété lé.

Hebreuge 13:1

I tári nan se ndɔge malang tite ngakon nange bè m ebi’t lé.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

Jacques 4:5

Tà ke dé ndang kem̂ Magtub’t d’ede nè: «Kebe ke Nube ade urkei kem̂ jéi’t nga, ngur konɓee dènn’t ra Nube pênn-pênn. Ké sei giri titeke Magtub tam tà nè nga kenon-non karè wa?

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.