Nyanra Njekawkulege 5:42 - Nouveau Testament en Gulay 2004

⁴² Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

Nyanra Njekawkulege 5:42 ပူးပေါင်းရင်းမြစ်များ

Tà ke Maje ke Luc ndang 21:37

Jésu ndó dooge nyan se ndɔge malang kêm kei le Nube. Nè loo ke ndɔ il ɓá ɓaa, è unde loo tee aw tò dè mbal ke kage olivierge ndai tutu.

Tà ke Maje ke Luc ndang 22:53

M’ee nan’t se si se ndɔ’m-ndɔ’m kêm kei le Nube nè sei ulei ji si lêm ɔdii man ndɔ karé lé. Nè ɗarinè è kàde’n le si a, è kàde’n le njèkonɓee tilkus’t a tɔ.

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 13:32

Jè géa, j’ile mber Tà ke Maje nè nga j’ade sei: Ndukunn ke ndɔ ke Nube unn ade kà jéige nga,

Nyanra Njekawkulege 17:18

Baw nyangerge ke nange ke ei njé ndó nyange le Epicure se Zénon ɔji tà se Paul. Njé ke karége tami edi nè: – Ké tà ri á hel kêm-ngarr nè ndige tam wa? Njé ke rang tami edi nè: – J’an titeke doo nè nga è njè kile mber le Nube ke mbage. Dé tam bè tede Paul ile mber Tà ke maje le Jésu a, se tà kunde loo tee le’n dann njé ke koo’t a tɔ.

Nyanra Njekawkulege 17:3

E ɔrgir unde non de’t tite ke Krist nga gar-gar nyankêmkon à ra’n a, à unde loo tee dann njé ke koo’t gar-gar a tɔ. Paul ede de ede nè: – Jésu-Krist ke man m’ede sei tà le’n nè nga, è kuwe á è Krist.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 20:20

Sei geri mbak, man m’ɓɔyɔ se si dè nyan karé bè ke maje tede le si nga lé. M’ebe ra’m kɔrgir tà éké ndó sei nyan nata tàkum dooge’t ndái-ndái éké kêm keige’t nga lé a tɔ.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

Nyanra Njekawkulege 4:29

Kuwe-ɓee, an! kibe ke d’ibe jè pe^-pe^ ɗarinè nga. Ade ɓer-kulege lei ilei mber tà lei se kêmnda káng ke deri.

Nyanra Njekawkulege 8:35

Philippe ile mber Tà ke Maje le Jésu ade doo ke Ethiopie se go tà ke doo nè tute kêm magtub’t le Esaie nè nga kuwe.

Nyanra Njekawkulege 8:5

Nè Philippe aw kêm ɓee-bò karé ke Samarie ile mber tà le Krist tutu ade dooge.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

1 Nje Ke Corinthe 2:2

Kété ke m’ee dann si’t nga, m’aw ndoo ger nyan karé ke rang ra si’t lé, nè Jésu-Krist ke dé ɓer’n kàde kage-ke-dese’t kuwe karé bere.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.

Nje Ke Galatie 6:14

Man ɓaa, nyan karé bere ke m’unn’n tà ra’m dè de’t nga, è kwei le Krist Kuwe-ɓee le jéi Jésu Krist kade kage-ke-dese’t. M’an nyange le nang nè ke nyange ke tuji tede kwei le Kuwe-ɓee le jéi Jésu-Krist. Man géa dooge ke dè nang nè an-in man ke doo ke wei bè tɔ.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.