Nyanra Njekawkulege 5:41 - Nouveau Testament en Gulay 2004

⁴¹ Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nyanra Njekawkulege 5:41 ပူးပေါင်းရင်းမြစ်များ

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 5:21

Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nje Ke Rome 5:3

E ke nè á go karé lé, nè dè jé in tchakm dann nyantosowurge ke ra jèi, tede jè geri titeke nyantosowur oje korè tà njak.

2 Nje Ke Corinthe 12:10

Gir’n ke nè á m’ra’n ranel dè yai’t le’m, dè tajege ke dooge taji man éké dè nyange ke nal’m. Man m’ra ranel dè ra ke dé ra kum’m ndoo, dè ra ke dé ra’m d’ade kàde’m gete get-get tede tà le Krist. Tede loo ke m’an ra’m ke njè tɔg goto ɓaa, lotbè á tɔg’m in dè made’t ɓai.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

3 Jean 1:7

E tede ri Jésu-Krist á dé tee d’aw’n anje kinge nyan ji njé ke geri Nube’t lé.