Nyanra Njekawkulege 5:4 - Nouveau Testament en Gulay 2004

⁴ Kété ke ige loo nè lé ɓai nga, ké tò è nyan kingei bè lé wa? Lo ke i unn ige’n ɓaa nè géa, ké nar’n è lei kade i ra’n nyan ke kêmi ɔje lé wa? Ké bain á aw se tàgir titeke bè dè ɓengrei’t wa? E dooge á ede de tà lanm lé, nè è Nube á ede’n tà lanm.

Nyanra Njekawkulege 5:4 ပူးပေါင်းရင်းမြစ်များ

Tà ke Maje ke Luc ndang 10:16

Jésu tel ede njékuwe-girnge ede nè: – Nanan ke ur mbi’n oo’n tà le si ɓaa, è man kuwe á ur mbi’n oo’n tà le’m. Doo ke rara ke ute sei mbeng ɓaa, è man kuwe á ute’m mbeng. Ke nè á doo ute’m man mbeng ɓaa, è njèkule’m á ute’n mbeng m è man lé.

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

Nyanra Njekawkulege 5:9

Nè Pierre ede Saphira ede nè: – Ké bain á sei se ngawi umi tà le si nan’t le nan’n Ndil Kuwe-ɓee titeke bè wa? An! njé ke dubi ngawi nga oo ká nja de ke à ɓar tà kei’t nata non. I géa à unni nin kawi sei nata tɔ.

1 Nje Ke Corinthe 8:8

E nyankuse á ade j’à taai kum Nube lé. Né j’usei nyan lé géa, j’à j’ingei nyan ke rang tutu lé a, né j’usei nyan géa, nyan ke à è soo’t ngain dum ke non goto tutu a tɔ.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

Philemon 1:14

Nè m’ndige le kin se dè’m ra nyan nal koo tàgir lei lé. M’ra titeke bè le kade i kuwe in se kem̂i i ra maje anje kade m’unde dèi’t.

Jacques 1:15

Ke nè á j’inyei loo j’adi ngur nyange nè ɓaa, à ndann ngonn le koje kaiya. Loo ke kaiya nè ra tɔge ɓá ɓaa à in ke kété koje yo tɔ.