Nyanra Njekawkulege 5:32 - Nouveau Testament en Gulay 2004

³² Jè jè njékɔrgo tà nyange nè nga. Ndil-Kêmnda ke Nube ade njé ke rai nyan ke kêm’n ndige géa, è njèkɔrgo tà nyange nè nga tɔ.

Nyanra Njekawkulege 5:32 ပူးပေါင်းရင်းမြစ်များ

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 10:44

Loo ke Pierre ndi tam tà tànn’t bè-bè bai ɓaa, Ndil-Kêmnda ree taa kêm dooge ke ndai à ooi tà nè nga pel-pel.

Nyanra Njekawkulege 13:31

Go’t gugu ɓaa, Jésu unde’n loo tee pan ade njé ke ndɔ ke danni nin ɓeekon ke Galilée awi se’n kêm ɓee-bò ke Jérusalem an-in nin ndɔ bule. Dé nè nga kuwe á ɗarinè dé tel dé njékɔrgo tàge le’n kade kosdooge.

Nyanra Njekawkulege 15:28

Ndil-Kêmnda ɔr non jé ade j’an titeke è soo’t le kunde nyankoto ke wɔi ke rang dè si’t lé ta. Nè nyange ke j’à j’ede sei nè kuwe á i rai ɓaa, ase bè.

Nyanra Njekawkulege 2:32

Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 5:29

Nè Pierre se njékawkulege madennge ilei de dè’t edi nè: – Gar-gar kile koje dè Nube’t è soo’t dum kile koje dè dooge’t.

Nje Ke Rome 8:16

Ndil-Kêmnda kuwe tam titeke jèi ngann Nube kerɔte kuwe.

2 Nje Ke Corinthe 13:1

Kaw ke m’a m’aw ɓéee le si nè nga, è njèkon’t mute ta. Titeke Magtub le Nube tam’n ede nè: «Doo ke tà oso dènn’t ɓaa, tà ke à tee tà njékɔrgo tàge joo éké mute kuwe ase gɔl tà nè malang kade oso nan’t.»

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.