Nyanra Njekawkulege 5:31 - Nouveau Testament en Gulay 2004

³¹ E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nyanra Njekawkulege 5:31 ပူးပေါင်းရင်းမြစ်များ

Matthieu 1:21

Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 2:10

Nè m’a m’tɔje sei le kade i geri titeke man Ngonn doo m’aw se tɔgmong le kɔr’n kaiya dè dooge’t dè nang nè. Jésu ede doo ke ra’n wei tonrin ede nè:

Marc 4:12

Nyan nè nga tee titeke bè, Le kade d’an se kum de, nè d’an njai lé; le kade d’oo se mbi de, nè d’oo ke koo m dé ger gir’n njai lé. Ke nè á dé ger gir njai ɓaa, d’ayé tur hal de le kɔse wan tel ke ra Nube’t ɓaa, Nube ayé kade kêm’n tin mbit dè de’t.»

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 13:23

Ndɔ ke Nube unn ndu’n le kade Israelge njèkaje de. E ɔr Jésu njèkaje de nga girkà’t le ngar David.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 4:11

Jésu nga è è Magtub le Nube ke tò se ninn’n tam tà ɔje’n dè’n ede nè: «E kuberi her ke sei njékunde keige an-in ke nyan lé, nè tel è kuberi her mong dè kum kei.»

2 Nje Ke Corinthe 2:10

Doo ke adi kêm si tin mbit dènn’t ɓaa, man géa m’ade kêm’m tin mbit dènn’t tɔ. Ke nè á m’tin kêm’m mbit dè nyan karé’t ɓaa, m’ra tede le si tàkum Krist’t.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Philippes 3:20

Nè jéi ɓaa, ɓee ndi jéi ke get è danrán, loo ke njèkaje dooge Kuwe-ɓee le jéi Jésu-Krist ke jè ndii jèi nginei nin nga, à in tutu le tel ree.

Nje Ke Colosses 1:14

Takul ngonn’n nè nga á j’ingei nyan gang dè jéi a, j’ingei kem̂ tin mbit dè kaiyage’t le jéi a tɔ.

Tite 1:4

I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Tite 2:10

I ndeje de le kade ei njé meendé nyange lé, nè le kade se ndɔge malang ei njé ra nyange ke maje tá kuwe dege à taai kem̂ de. Ke nè á ɓerge rai titeke bè ɓaa, ei à ilei riɓar dè nyan-ndó’t le Nube ke njèkaje jèi.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 2:10

Nube è njèkunde nyange malang, nyange malang tooi takul’n. E ndige tel dooge bule ke ngann kem̂nge kade ingei ndubra le’n se’n n’ee Nube nan’t tɔ. Gir’n ke nè á è tel’n Jésu ke njèkaje dooge ke maje ɔr njêt tede nyankem̂konge ke è inge.

1 Pierre 3:22

Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

Jude 1:25

Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.