Nyanra Njekawkulege 5:26 - Nouveau Testament en Gulay 2004

²⁶ Ke loon’t nè kuwe, njèkan dè njé ngonm tà keige le Nube aw se dooge le’n uwei njékawkulege teli reei se de jêke^ karè nal ra se de nyan, tede ɓeli edi nè bainléa kosdooge à kin-in tilei de se kuberi her tɔli de.

Nyanra Njekawkulege 5:26 ပူးပေါင်းရင်းမြစ်များ

Matthieu 14:5

Hérode ndige le kade d’ade kum Jean udu. Nè è ɓel kum doobulege tede an-in Jean ke njèribe-dè-tà ke tà Nube’t.

Matthieu 21:26

A ke nè á j’edi nè: «Gir’n in ra dooge’t» ɓaa, a in-in se jéi se tà tede dooge malang an-in Jean ke njèribe-dè-tà ke tà Nube’t.

Matthieu 26:5

Nè ei tami edi nè: – E tà le kuwe’n tàkum dooge ndɔ ra nan’t lé, tede kosdooge à in-in se jéi se tà.

Matthieu 26:58

Pierre ndolè goo’n nè ade dann de heb ɗêk ndêin sár aw’n kêm geng’t le maw njèkuje nyan-mese. E tête ra’n ndi nang se ngann njéndige le Caiphe tede le kan girson nyan ke d’ayé ra se Jésu.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 20:6

Ke nè á jè tami j’edi nè: «Ndukunn nè nga in ra dooge ke dè nang nè karè» ɓaa, dooge malang à tilei jéi se kuberi her tɔli jèi, tede dooge malang geri kêm de’t mbak titeke Jean è njèribe-dè-tà ke tà Nube’t.

Tà ke Maje ke Luc ndang 22:2

Maw njékuje nyan-mesege se njékɔrgir gute-nduge sangi gos ke le tɔl’n Jésu, nè dé ɓel kum kosdooge.

Tà ke Maje ke Luc ndang 22:4

E aw inge maw njékuje nyan-mesege se maw le njérɔge ke ngonmi tà kei le Nube ɔje se de tà dè gos ke ayé ra le kule’n Jésu ji de’t.

Nyanra Njekawkulege 4:21

Loo ke d’oo tà ke Pierre se Jean tami nè bè ɓaa, dé tel d’ibe de pe^-pe^ ɓita d’inye go de ɓai. Tede d’inge tà ke get le kum’n de dangai’t lé. Dé ra titeke bè tede kile ke kosdooge malang ilei riɓar dè Nube’t ɔje dè njèdɔgemete ke ra’n tel mong ɗaj-ɗaj.

Nyanra Njekawkulege 5:13

Kosdooge piti de ngain. Nè né è bè géa, doo karé dann de’t nanr loo le kur dann njétaakêm-Kristge’t lé.

Nyanra Njekawkulege 5:22

Nè loo ke njé ngonm tà kei le Nube reei teei kêm kei dangai’t ɓaa, ei ingei njékawkulege nga lé. Ke loon’t nè kuwe, ei ɔsi wan teli dè nja de’t awi ɔri go nyange malang adi njégangtàge, edi nè:

Nyanra Njekawkulege 5:24

Loo ke njèkan dè njé ngonm tà kei le Nube se maw njékuje nyan-mesege ooi tà nè nga bè ɓaa, ei teli ndii giw giri tà ɔje dè goto ke njékawkulege gotoi njêl a, se nyan ke ayé tee kutu go goto le de nga ɓai a tɔ.

Nyanra Njekawkulege 5:25

Nè doo karé bè ree ede de ede nè: – An-in! dingemge ke umi de kei dangai’t nga ndai à ɔdi nan ndói nyan kosdooge kêm kei le Nube ndai non.