Nyanra Njekawkulege 5:21 - Nouveau Testament en Gulay 2004

²¹ Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nyanra Njekawkulege 5:21 ပူးပေါင်းရင်းမြစ်များ

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Tà ke Maje ke Luc ndang 22:66

Loo ke loo ar yerer ɓá ɓaa, dooge ke kum de unju dann Juipge se maw njékuje nyan-mesege se njékɔrgir gute-nduge ɔsi nja nan nam-nam. Ei adi dé ree se Jésu non de’t loo gangtà’t.

Jean 18:35

Pilate ile jésu dè’t ede nè: – Ké man m’ee Juip wa? E girkoje lei se maw njékuje nyan-mesege á d’ulei jim’t. A ɓaa, ke mbain kuwe è ri á i ra wa?

Jean 8:2

Nè loo ke loo à ar ɓai ɓaa, è tel aw kêm kei’t le Nube. Kosdooge malang reei rann’t. E tête ra’n ndi nang unn gir ndó de nyan.

Nyanra Njekawkulege 22:15

Gar-gar a i njèkɔrgo tà le’n. Nyan ke an se kumi a, oo tà’n se mbi a tɔ nga, ɔrgir ade dooge malang.

Nyanra Njekawkulege 22:5

Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

Nyanra Njekawkulege 5:27

Loo ke ei reei se de ɓá ɓaa, ei awi se de non njégangtàge’t. Maw njèkuje nyan-mese deje njékawkulege ede nè:

Nyanra Njekawkulege 5:34

Nè Pharisien karé bè è njèndó dooge gute-ndu, ri’n nè Gamaliel. E doo ke kosdooge malang ilei koje dènn’t. E ɔse nang in dɔ dann njégangtàge’t. E unn ndun’n le kade d’ade njékawkulege undei loo teei nata ndêin ɓita.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.