Nyanra Njekawkulege 5:16 - Nouveau Testament en Gulay 2004

¹⁶ Doobulege in-in se ngann ɓeege ke tooi kɔte ɓee-bò ke Jérusalem reei se njératurge se njé ke ndilge ke majelé rai kum de ndoo. Njératurge ke dé ree se de nga, ratur ɔr dè de’t ndát-ndát.

Nyanra Njekawkulege 5:16 ပူးပေါင်းရင်းမြစ်များ

Matthieu 2:16

Loo ke Hérode an titeke baw-nyangerge ulei mbe dènn’t ɓaa, wong ase’n nák. E ule ade dé tɔl ngannge ke dingem malang ke rai ɓal joo se njé ke ɓal de ase joo lé ɓai a tɔ. Se go kurloo ke baw-nyangerge ɔji Hérode nga, è ade d’unn gir tɔl ngannge ke dingem kêm ɓee ke Bethléhem sár d’ɔse’n ngei ninn ɓeekon le’n bere mbak.

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Matthieu 8:16

Loo ke loo sɔl ɓá ɓaa, dé ree se dooge bule ke ndilge ke majelé rai kum de ndoo ra Jésu’t. E rɔ ndilge ke majelé nè nga se tà ke karé ke tee tann’t. Njératurge malang ke dé ree se de rann’t nga, ratur ɔr dè de’t ade d’aje katch-katch.

Tà ke Maje ke Luc ndang 5:17

Ndɔ karé bè Jésu ndi ndó dooge nyan. Pharisienge se njékɔrgir gute-ndu Nube ke Moise ndang reei ra Jésu’t. Dooge in-in se kêm ɓeege gai-gai ke ɓeekon ke Galilée, se ɓeekon le Juda a, se ɓee-bò ke Jérusalem géa reei rann’t a tɔ. Tɔgmong le Nube nain se Jésu ade aje’n njératurge.

Tà ke Maje ke Luc ndang 6:18

Dooge nè nga reei le kooi tà le Jésu a, le kade ɔr raturge ra de’t a tɔ. Njé ke ndilge ke majelé tooi kêm de’t géa, Jésu aje de a tɔ.

Tà ke Maje ke Luc ndang 9:11

Loo ke kosdoo-bulege geri tà kaw de ɓaa, ndolèi go de. Jésu uwe de ke rann’t ede de tà ke ɔje dè Konɓee le Nube a, dooge ke awi ndoo kade ratur ɔr dè de’t nga, è ɔr ratur ra de’t a tɔ.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Nyanra Njekawkulege 4:30

Ule jii njúng ade de le kade d’ɔr’n ratur ra dooge’t, le kade dé ra’n nyankɔbge se nyange dum kum takul ri Jésu, ngonn njèndi lei ke ɔr’n unde’n se ninn’n nga.

Nyanra Njekawkulege 5:15

Gir’n ke nè á, dé koto’n njératurge se tuwe tò de a, se tire tò de bere mbak d’unde’n de nata ɗêng-ɗêng ka-rebege’t. Dé ra titeke bè tede kade loo ke Pierre à dere ɓaa, ndil’n ke ɓer kuwe oso dè doo karé dann njératurge’t nè nga.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

1 Nje Ke Corinthe 12:9

Ndil ke karé nè kuwe ade doo karé ke nè aw se kundekêm ke ɓar kage a, ade doo karé ke rang nyan-nojege kade aje’n njératurge a tɔ.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.