Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nyanra Njekawkulege 5:11 - Nouveau Testament en Gulay 2004

11 Njékebe nange le Nube bere mbak nga ɓel ra de ngain. Dooge malang ke tà nè oso mbi de’t nga géa, ɓel unde de ndàt gang de tɔ.

အခန်းကိုကြည့်ပါ။ ကော်ပီ




Nyanra Njekawkulege 5:11
14 ပူးပေါင်းရင်းမြစ်များ  

Dooge malang ke ndii kêm ɓee-bò ke Ephèse, Juipge se njé ke ei Juipge lé geri nyan ke tee nè nga. Ɓel unde de ndàt gang de malang ade ilei riɓar dè ri Kuwe-ɓee Jésu’t.


Njékawkulege rai nyange ke dum kum se nyankɔbege ngain. Dooge malang ɓeli ndil de.


Loo ke Ananias oo tàge nè nga bè ɓaa, oso njanm wei. Dooge malang ke tà yo’n oso mbi de’t nga, ɓel unde de ndàt gang de.


Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.


Kotárge le’m, ilei koje dè Nube’t se ndɔge malang titeke ndɔ ke m’ee’n se si. Ɗarinè ke m’goto se si nga, ilei koje dè Nube’t adi dum ke kété. I ɓeli Ndil Nube, i rai kule dè kaje’t le si se ngonn koje.


Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.


An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.


Ade jè rai oiyo Nube tede ɓeekon ke j’ingei nga è ɓeekon ke à yei ndan lé. Taɓai ade jè rai nyan ke taa kum’n a, j’ilei koje dènn’t a, jè ɓeli ndil’n a tɔ.


Ndɔ ke Nube unn ndu’n ede nè j’à j’awi loo taa kebe’t le’n. Ndukunn le’n nè nga tò njáng ɓai. Bè ɓaa, ade j’undei kumkunju dè ra jéi’t le kade doo karé dann si’t ɔse loo taa kebe nè nga pat nal lé.


Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.


Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ