Nyanra Njekawkulege 4:34 - Nouveau Testament en Gulay 2004

³⁴ Doo karé bè ke nyan nal’n goto dann de’t tede njé ke awi se loo ndɔrge se keige le de nga, ei igi ɓaa reei se nar’n,

Nyanra Njekawkulege 4:34 ပူးပေါင်းရင်းမြစ်များ

Matthieu 19:21

Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Marc 10:21

Jésu an basa nè nga gerer, tede è tár’n ngain. Jésu ede’n ede nè: – Nain nyan karé kade i ra ɓai. Aw, ige nyankingeige malang, i kai nar’n njéndooge ɓaa, a inge nyanbaw danrán. I ra nyange nè malang pa ɓita i ree unn rebe goom’t ɓai.

Tà ke Maje ke Luc ndang 12:33

Igi nyankingege le si, inyei nar’n uwei noje se njéndooge. Uri mbu narge ke à ndis lé. I kebi nyanbawge ke à tò sár se non danrán. E loo ke njéɓog-ge à teei tutu lé a, gide à unde nyan tutu tuju’n lé a tɔ.

Tà ke Maje ke Luc ndang 16:9

Jésu tel ede de ede nè: – Man m’ede sei, nar ke get lé ke tò ji si’t nga uwei made nan se dooge. Titeke bè á loo ke gir nar nè à gang ɗás ji si’t ɓaa, Nube à uwe sei ke rann’t loo ndi ke à tò se non.

Tà ke Maje ke Luc ndang 22:35

Jésu tel deje njékuwe-girnge ede nè: – Ké loo ke ndɔ ke m’ule sei anje kunn mbu-nar éké mbu-kɔnyan éké awi anje tule gabang nja si’t nga, ké nyan ri á nal sei wa? Dé tel d’ile’n dè’t d’ede nè: – Nyan karé géa nal jè lé.

Nyanra Njekawkulege 2:45

D’ige looge le de se nyan-majege le de ɓaa, dé kaiya nan nar’n se go nyange ke d’aw ndoo’n.

Nyanra Njekawkulege 4:37

E ige loo ndɔr le’n karé ree se nar’n um non njékawkulege’t bɔk.

2 Nje Ke Corinthe 8:14

Ɓila ingei nyange ram-ram. Maje kade unni tà nyankinge le si ke al dè ji si adi njé ke rang ke nyan nal de. Ndɔn’t ei géa à unni tà nyankinge le de ke al dè ji de le rai se si dè nyange ke awi ndoo de. Titeke bè á a i teli kasinan deĵ-deĵ,

1 Nje Ke Thessalonique 4:12

I rai titeke bè le kade njé ke natage ilei koje dè si’t a, le kade sei awi ndoo nyan ji doo karé ke rang’t lé a tɔ.

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.