Nyanra Njekawkulege 4:32 - Nouveau Testament en Gulay 2004

³² Kosdooge malang ke undei kêm de dè Jésu’t nga, umi kêm nan’t karé a, tooi asinan se doo ke karé a tɔ. Ei malang umi nyange le de nan’t loo karé, m doo karé bè géa dann de’t an nyan le’n ke nyankinge’n ke ɔje dè’n se kar’n lé.

Nyanra Njekawkulege 4:32 ပူးပေါင်းရင်းမြစ်များ

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Nyanra Njekawkulege 1:14

Dé malang d’um kêm de nan’t bɔk, d’aw kum de ke kété-kété dè kɔje tà se Nube’t. Dinyege ke nange tite Marie kon Jésu a, se ngakon Jésuge ndii se de nan’t tutu a tɔ.

Nyanra Njekawkulege 2:1

Loo ke ndɔ Pentecote ase deĵ ɓá ɓaa, njétaakêm-Kristge kebi nan loo karé.

Nyanra Njekawkulege 5:12

Nyankɔbege se nyange ke dum kum oji nan ji njékawkulege’t nyanmi-nyanmi dann kosdooge’t. Njétaakêm-Kristge malang ndii se kêm karé gir pal’t le Salomon.

Nje Ke Rome 12:5

Titeke bè, jèi géa jè bulei tɔ; jè teli jèi danra ke karé bere takul kum ke j’umi nan’t bɔk se Krist nga. Bè ɓaa, jèi malang jèi balkum ra nan.

1 Nje Ke Corinthe 1:10

Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.