Nyanra Njekawkulege 4:29 - Nouveau Testament en Gulay 2004

²⁹ Kuwe-ɓee, an! kibe ke d’ibe jè pe^-pe^ ɗarinè nga. Ade ɓer-kulege lei ilei mber tà lei se kêmnda káng ke deri.

Nyanra Njekawkulege 4:29 ပူးပေါင်းရင်းမြစ်များ

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 14:3

Nè né è bè géa, Paul se Barnabas ndii kêm ɓee ke Icone ase tà’t. Ei geri tite Kuwe-ɓee è der-gir de. Gir’n ke nè á, ei tami tà se kêmnda káng adi dooge a, dè noje ke Kuwe-ɓee uwe se de a tɔ. Nube ade Paul se Barnabas rai nyankɔbege se nyange ke dum kum geti ngarankumtàge ke ei tami.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 26:26

Ngar Agrippa nga, d’ede’n tà dè nyange’t nè d’ade oo mbak ɓá ta. Gir’n ke nè á, m’nda m’a m’tam’n tà nonn’t se kêmnda káng. Nyange nè malang nga, karé ke è nal ger goto, tede ei nyange ke teei adi dooge geri se loo malang.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nyanra Njekawkulege 4:13

Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nyanra Njekawkulege 4:21

Loo ke d’oo tà ke Pierre se Jean tami nè bè ɓaa, dé tel d’ibe de pe^-pe^ ɓita d’inye go de ɓai. Tede d’inge tà ke get le kum’n de dangai’t lé. Dé ra titeke bè tede kile ke kosdooge malang ilei riɓar dè Nube’t ɔje dè njèdɔgemete ke ra’n tel mong ɗaj-ɗaj.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 9:27

Barnabas ɔr non Saul aw se’n ra njékawkulege’t, è ede de ede nè: – Saul nga kété an Kuwe-ɓee rebe a, Kuwe-ɓee tam se’n tà a tɔ. Saul nda kêm’n káng ile mber Tà ke Maje se ri Jésu ade dooge ke kêm ɓee-bò ke Damas. Barnabas ɔr gir nyange nè titeke bè ade njékawkulege ooi njai.

Nyanra Njekawkulege 9:28

Unn gir kêm ndɔn’t nè nga, Saul ringe se njékawkulege kêm ɓee ke Jérusalem. E nda kêm’n káng ile mber Tà ke Maje se ri Kuwe-ɓee Jésu.

1 Nje Ke Corinthe 14:13

Gir’n ke nè á doo ke tam tà tam dooge ke rang nga, gar-gar maje kade deje Nube kade ade’n tɔg kade tel’n gir tà nè nga ade njé ke rang tá.

2 Nje Ke Corinthe 3:12

Kunde ke j’unde kêm jé tchên dè nyan ke à tò sár se non nè á j’ede’n sei tà nè ndàt-ndàt titeke bè.

Nje Ke Philippes 1:14

Sulge ke m’ndii’n jim’t nga ule dingem kem̂ njétaakem̂-Kristge ke nange ade ilei mber Tà le Nube se kem̂nda anje ɓel nyan karé.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.