Nyanra Njekawkulege 4:27 - Nouveau Testament en Gulay 2004

²⁷ Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

Nyanra Njekawkulege 4:27 ပူးပေါင်းရင်းမြစ်များ

Matthieu 14:1

Kêm ɓaln’t nè nga, ngar Hérode Antipas oo kɔbe nyan ra Jésu. Ngar Hérode Antipas è njèkonɓee ke Galilée kêl ɓeekon karé ke kété bɔ’n Hérode on.

Matthieu 14:3

Kété Hérode ade d’uwe Jean, dé tɔ’n d’ile’n dangai’t tede tà le Hérodiade neen ngokon’n Philippe.

Matthieu 14:6

Ndɔ karé bè, Hérode ra nan koje’n. E ɓar dooge bule ngain. Ngonn le Hérodiade ke mande ɔse nang in ndam tàkum dooge’t nè nga ade taa kum Hérode.

Matthieu 21:28

Jésu tel deje de ede nè: – Ké tà ri á sei giri dè tà’t nè wa? Doo karé bè aw se ngannge ke dingem joo. E aw ra njé ke desêin’t ede’n ede nè: «Ngonn’m, aw i ra kule kêm ndɔr nduu’t le’m ɓila ade’m.»

Matthieu 23:37

Sei dooge ke i ndii kêm ɓee-bò ke Jérusalem, sei ke njé tile dooge ke Nube ule de ra si’t se kuberi her tɔl de. Dɔ-dɔ, m’ndige kɔse nja si nan’t titeke kon kunje kebe’n ngann’n gir bagenn’t, nè sei ndigi kinyei man kade m’ra titeke bè lé.

Matthieu 27:2

Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Marc 10:33

Jésu ede njékuwe-girnge ede nè: – An-in! j’à j’awi ke kêm ɓee-bò ke Jérusalem. Man ke m’ee Ngonn doo nga, d’a d’ulem ji maw njékuje-nyan-mesege’t se ji njékɔrgirgute-nduge’t. Dé nè nga, d’ade gang tà yo dèm’t a, d’ade d’ule’m ji dooge ke dɔ ke geri Nube lé.

Marc 15:31

Maw njékuje nyan-mesege se njékɔrgir gute-nduge kuwe géa, ei tami dann de’t tulei mbe dè Jésu’t edi nè: – N’ade njé ke rang aji yo, nè n’ee kuwe n’ase kaje yo lé.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 22:63

Dooge ke uwei Jésu ngonmii nga telii ke kurkogo le de a, tundeii a tɔ.

Tà ke Maje ke Luc ndang 23:1

Go’t gugu ɓaa dé malang ke d’ɔse nja nan nam-nam nè nga, d’ɔse nang d’in se Jésu d’aw se’n non ngar Pilate’t.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Tà ke Maje ke Luc ndang 9:22

Taɓai è ede de ede nè: – Man ke m’ee Ngonn doo nga, gar-gar m’a m’inge nyantosowur. Ngatɔgege le juipge se maw njékuje nyan-mesege a, se njékɔrgir gute-nduge à adi d’ade ɓer’m kàde kage-ke-dese’t. Nè ndɔ ke njèkon’t mute ɓaa, m’a m’unde loo tee dann njé ke koo’t.

Jean 1:11

E ree ɓéee le njé ke le’n, nè njé ke lé’n uwei nin ke ra de’t lé.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Jean 18:29

Gir’n ke nè á njèkonɓee Pilate tee ree inge’n de nata. E deje de ede nè: – Dingem nè nga, ké tà ri á i sêki nin wa?

Jean 19:34

Nè né è bè géa, njèrɔ karé dann madennge’t ɔse kêl kade Jésu se ninge dap. Ke loon’t nè kuwe, mese se mann ubei tà’t tir-tir.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 2:27

Oiyo, i a kinye ngarankum ra’m ɓee le yo lé a, doo lei ke tò se ninn’n nga i a kinye’n kade jɔri pɔtɔk be-ɓade’t lé a tɔ.

Nyanra Njekawkulege 4:30

Ule jii njúng ade de le kade d’ɔr’n ratur ra dooge’t, le kade dé ra’n nyankɔbge se nyange dum kum takul ri Jésu, ngonn njèndi lei ke ɔr’n unde’n se ninn’n nga.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.