Nyanra Njekawkulege 4:21 - Nouveau Testament en Gulay 2004

²¹ Loo ke d’oo tà ke Pierre se Jean tami nè bè ɓaa, dé tel d’ibe de pe^-pe^ ɓita d’inye go de ɓai. Tede d’inge tà ke get le kum’n de dangai’t lé. Dé ra titeke bè tede kile ke kosdooge malang ilei riɓar dè Nube’t ɔje dè njèdɔgemete ke ra’n tel mong ɗaj-ɗaj.

Nyanra Njekawkulege 4:21 ပူးပေါင်းရင်းမြစ်များ

Matthieu 15:31

Ndil kosdoo-bulege tee an-in soin-soin. Njé ke tami tà lé unni gir tami tà. Njédɔgemetege teli njiyei ɗáj-ɗáj. Njémetege njiyei awi a, teli a, njékumtɔge géa an-in loo njai-njai a tɔ. Doobulege ɔsi pa ulei ndubra dè Nube’t le Israel.

Matthieu 21:46

Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Matthieu 26:5

Nè ei tami edi nè: – E tà le kuwe’n tàkum dooge ndɔ ra nan’t lé, tede kosdooge à in-in se jéi se tà.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Tà ke Maje ke Luc ndang 13:17

Loo ke Jésu tam tà nè nga ɓaa, njébange le’n malang ndii dann rasɔl’t. Nè gute kosdooge malang nga ra de nel de ngain dè nyankɔbege ke Jésu ra ade d’an.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 20:6

Ke nè á jè tami j’edi nè: «Ndukunn nè nga in ra dooge ke dè nang nè karè» ɓaa, dooge malang à tilei jéi se kuberi her tɔli jèi, tede dooge malang geri kêm de’t mbak titeke Jean è njèribe-dè-tà ke tà Nube’t.

Tà ke Maje ke Luc ndang 22:2

Maw njékuje nyan-mesege se njékɔrgir gute-nduge sangi gos ke le tɔl’n Jésu, nè dé ɓel kum kosdooge.

Tà ke Maje ke Luc ndang 5:26

Dé malang tà ige de sêl ade d’ule’n ndubra dè Nube’t. Ɓel unde de ndàt gang de ade d’ede nè: – Ɓila j’an nyange ke dum kum.

Nyanra Njekawkulege 4:17

Nè né è bè géa, adi jè rai de j’adi ra de tur de ɓita j’ɔgi de tam tà kede dooge se ri doo nyan le doo nè nga njing ɓai. Titeke bè á tà nè à ebe’n ra’n yal’n nan ke kété kété.

Nyanra Njekawkulege 4:22

Njèdɔgemete ke Pierre se Jean rai nyankɔbe aji nin nga, ɓal’n dum dè ɓal kɔr-sɔ.

Nyanra Njekawkulege 5:13

Kosdooge piti de ngain. Nè né è bè géa, doo karé dann de’t nanr loo le kur dann njétaakêm-Kristge’t lé.

Nyanra Njekawkulege 5:26

Ke loon’t nè kuwe, njèkan dè njé ngonm tà keige le Nube aw se dooge le’n uwei njékawkulege teli reei se de jêke^ karè nal ra se de nyan, tede ɓeli edi nè bainléa kosdooge à kin-in tilei de se kuberi her tɔli de.

Nyanra Njekawkulege 5:40

Njégangtàge teli ɓari njékawkulege adi d’unde de se ndêin maru, taɓai ei unni ndu de ade njékawkulege le kade tami tà se ri Jésu nè nga lé njing ɓita inyei de adi awi ɓai.