Nyanra Njekawkulege 4:19 - Nouveau Testament en Gulay 2004

¹⁹ Nè Pierre se Jean ilei de dè’t edi nè: – Ké kile koje dè tà’t le si sei á maje dum kile koje dè tà’t le Nube wa? Sei kuwe i giri maje an-in.

Nyanra Njekawkulege 4:19 ပူးပေါင်းရင်းမြစ်များ

Matthieu 22:21

Dé tel d’ile’n dè’t d’ede nè: – Dè doo nè nga, è dè ngar ke bò César a, ri doo nè nga géa è ri César a tɔ. Jésu tel ede de ede nè: – Adi César nyan ke ɔje dè’n a, nyan ke ɔje dè Nube ɓaa, adii a tɔ.

Tà ke Maje ke Luc ndang 22:8

Jésu ɔr Pierre se Jean ule de ede nè: – Ɔti awi uwei dè nja nyan ra nan Paque le kade j’usei.

Jean 7:24

Ebi ra si gangtà tede tàkum doo. Nè i gangi tà ke se dè naje’n tá.

Nyanra Njekawkulege 4:13

Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 5:29

Nè Pierre se njékawkulege madennge ilei de dè’t edi nè: – Gar-gar kile koje dè Nube’t è soo’t dum kile koje dè dooge’t.

1 Nje Ke Corinthe 10:15

M’an sei tite dooge ke gangi tchat á m’ede’n sei tàge nè. Sei kuwe i gon-in kêm tàge ke m’ede sei nga an-in.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.

Nje Ke Ephese 6:1

Ngannge, Kuwe-ɓee ndige kade ilei koje dè njékoje sige’t. E ke nè á è nyan ke se go rebe’n.

1 Timothee 2:3

E á è nyan ke maje ke taa kum Nube njèkaje jéi

Hebreuge 11:23

Njé koje Moisege undei kem̂ de dè Nube’t. Loo ke ndɔ ke oji nin ɓaa, ei ɓɔyɔi nin nan mute. Ei an-in titeke ngonn de maje kum de’t ngain. Ei ɓeli ndukunn le ngar nga lé.

Jacques 2:4

Ke nè á sei rai titeke bè, à ɓaa ké è kɔr kum nan ke sei ɔri dann si’t lé ɓai wa? Ké è tà ke sei kuwe in-in kalang i gangi dè nan’t se go tàgirge ke majilé ke dè ɓengre si’t lé wa?