Nyanra Njekawkulege 4:13 - Nouveau Testament en Gulay 2004

¹³ Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nyanra Njekawkulege 4:13 ပူးပေါင်းရင်းမြစ်များ

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 26:71

Pierre ɔse nang in aw kum’n ke tà rebe geng’t nata. Ngonn njèndi ke dinye karé ke rang an’n ɓaa, ede dooge ke ndai kêm geng’t ede nè: – Doo nè nga, ndɔ ke è nan’t se Jésu, doo ke ɓeekon ke Nazareth nga tɔ.

Matthieu 26:73

Mbɔr go’t gugu ɓaa, njé ke ndai kêm geng’t reei ra Pierre’t edi nin edi nè: – Loo naje’n goto, i nga géa ndɔ ke i dann de’t tɔ. Tà tami kuwe ɔr giri.

Tà ke Maje ke Luc ndang 22:8

Jésu ɔr Pierre se Jean ule de ede nè: – Ɔti awi uwei dè nja nyan ra nan Paque le kade j’usei.

Jean 19:26

Jésu tête kum’n an kon’n. Kon’n nda ngɔr se njèkuwe-gir’n ke è tár’n ngain. Jésu ede kon’n ede nè: – Dinye, an ngonni.

Jean 7:15

Tà ige Juipge sêl adi tami edi nè: – N’ee nga, n’ndó nyan lé, à ké se go rebe ke ra n’ger’n magtub bè wa?

Jean 7:49

Nè è majelé dooge ke geri gute-ndu le Moise lé kuwe karé á undei kêm de dè doo’t nè nga. Dé nè nga, kure’n à ɔde kum de ɓai.

Nyanra Njekawkulege 4:14

Loo ke d’an doo ke kété è dɔgemete nda dɔ ngurung kɔte Pierre se Jean ɓaa, d’inge tà karé ke le tel tam lé.

Nyanra Njekawkulege 4:19

Nè Pierre se Jean ilei de dè’t edi nè: – Ké kile koje dè tà’t le si sei á maje dum kile koje dè tà’t le Nube wa? Sei kuwe i giri maje an-in.

Nyanra Njekawkulege 4:29

Kuwe-ɓee, an! kibe ke d’ibe jè pe^-pe^ ɗarinè nga. Ade ɓer-kulege lei ilei mber tà lei se kêmnda káng ke deri.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 9:27

Barnabas ɔr non Saul aw se’n ra njékawkulege’t, è ede de ede nè: – Saul nga kété an Kuwe-ɓee rebe a, Kuwe-ɓee tam se’n tà a tɔ. Saul nda kêm’n káng ile mber Tà ke Maje se ri Jésu ade dooge ke kêm ɓee-bò ke Damas. Barnabas ɔr gir nyange nè titeke bè ade njékawkulege ooi njai.

Nyanra Njekawkulege 9:28

Unn gir kêm ndɔn’t nè nga, Saul ringe se njékawkulege kêm ɓee ke Jérusalem. E nda kêm’n káng ile mber Tà ke Maje se ri Kuwe-ɓee Jésu.

1 Nje Ke Corinthe 1:27

Nè Nube tɔr nyange ke dooge an-in ke nyan mbe tede kile’n rasɔl dè njékumkunjuge’t a, è tɔr nyange ke tɔge de goto tede kile’n rasɔl dè njétɔgege’t a tɔ.

1 Nje Ke Corinthe 14:25

Tàgirge le’n ke dè ɓengrenn’t tooi nata ndái-ndái tàkumn’t. Titeke bè á doo nè nga à ɗêl’n dè’n le ɗɔi’n Nube kede nè: «Nube è dann si’t kerɔte kuwe.»

2 Nje Ke Corinthe 3:12

Kunde ke j’unde kêm jé tchên dè nyan ke à tò sár se non nè á j’ede’n sei tà nè ndàt-ndàt titeke bè.