Nyanra Njekawkulege 3:6 - Nouveau Testament en Gulay 2004

⁶ Nè Pierre ede dingem nè nga ede nè: – M’aw se nar-nda éké nar-ɔr jim’t le kadi lé. Nè nyan ke tò jim’t nga, m’a m’adi se ri Jésu-Krist ke Nazareth, ɔse nang in dɔ i njiye.

Nyanra Njekawkulege 3:6 ပူးပေါင်းရင်းမြစ်များ

Matthieu 10:9

An-in! tá nè a kin-in kunni nar-ɔr, éké nar-nda, éké ninge-kase kêm mbuge’t le si.

Matthieu 7:22

Ndɔ gangtà’t ɓaa, dooge bule à deji man kedi nè: «Ngar, Ngar, ké ndɔ ke j’ile mber se rii lé wa? Ké ndɔ ke jè rɔ ndilge ke majelé kɔke se rii lé wa? Ké ndɔ ke j’unn rii jè ra’n nyankɔbege lé wa?»

Marc 14:8

Dinye nè ra nyan ke ase dè tɔgn’t. E ndum’m wubu ke ete maje ngain nè kété ɓita le kade ndɔn’t d’um’m ngire ɓai.

Marc 16:17

Njé ke d’um kêm de dè Tà ke Maje’t nga, Nube à ade d’ade ra nyankɔbege ke nè: d’a rɔ ndilge ke majelé se ri’m, d’a tam tà tam dooge ke rang.

Jean 19:19

Pilate ndang tà kêm begre-nyan’t ade dé ɓer kàde kage-ke-dese’t dɔ dè Jésu’t ede nè: «Jésu ke Nazareth ngar le Juipge.»

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

Nyanra Njekawkulege 3:16

Njèdɔgemete ke nda nè nga, sei an-in nin a, sei geri nin a tɔ. Takul ri Jésu ke unde kêm’n de’t á nja’n mong’n ɗaj-ɗaj ade an-in malang.

Nyanra Njekawkulege 3:5

E an dè sêw-sêw ngine ede nè n’a n’inge nyan karé ji de’t.

Nyanra Njekawkulege 3:7

Pierre uwe jikon doo nè nga unn’n ur’n dɔ. Ke loon’t nè kuwe, da nja’n se kukul-nja’n mongi ɗaj-ɗaj.

Nyanra Njekawkulege 4:10

Maje kade sei a, kosdooge ke Israel malang a tɔ, i geri tà nè maje. Jésu-Krist ke Nazareth nga sei ɓeri kàde kage-ke-dese’t, nè Nube ade unde loo tee dann njé ke koo’t. Takul ri’n á ɓila doo nè nda mong’n ɗaj-ɗaj tàkum si’t malang.

Nyanra Njekawkulege 4:7

D’ade Pierre se Jean undei loo teei reei ndai dann de’t. Dé deje de d’ede nè: – Ké bain á i rai nyan nè nga wa? Sei adi nja njèdɔgemete mong ɗaj-ɗaj. Ké tɔgmong le nan éké takul ri nan á sei rai nyan nè nga wa?

Nyanra Njekawkulege 9:34

Pierre ede Enée ede nè: – Enée, Jésu-Krist aji ɓá! Ɔse nang in dɔ i kuwe i gɔl tire lei. Ke loon’t nè kuwe, Enée ɔse nang karkat in dɔ.

1 Nje Ke Corinthe 4:11

Sár ɓila, ɓo ndi ra kum jé ndoo, kunde mann ndi tɔl jè a tɔ. Sár ɗarinè, j’aw mbur jé sutur, dé tunde jè d’ade oso ra jé’t ade j’ile dɔ gam-gam.

2 Nje Ke Corinthe 6:10

D’an jè ke dooge ke kum de ra ndoo, nè ra jé nel jè se ndɔge malang. D’an jè ke njéndooge, nè j’ade dooge ngain teli baw kundekêmge. Kerɔte kuwe, jè ke nyange taai ra jé pel-pel nga, d’an jè titeke dooge ke ndooi gɔg-gɔg.

2 Nje Ke Corinthe 8:12

Loo ke doo unn nyan ke tò jinn’t ade se go kêmndige le’n ɓaa, Nube taa nyan nè jinn’t se ranel m ɔr se’n nja nyan ke tò jinn’t lé.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.