Nyanra Njekawkulege 3:22 - Nouveau Testament en Gulay 2004

²² Moise tam tà nè nga kété ede nè: «Kuwe-ɓee Nube le si à ɔr njèribe-dè-tà ke tànn’t karé dann ngakon sige’t. Uri mbi si ooi tàge malang ke à edi sei nga.

Nyanra Njekawkulege 3:22 ပူးပေါင်းရင်းမြစ်များ

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Tà ke Maje ke Luc ndang 13:33

Gar-gar m’a m’aw kum’m ke kété ɓila a, barè a se ndɔ ke rang a tɔ. Tede njèribe-dè-tà ke tà Nube’t asekum kwei loo ke rang’t lé, nè Jérusalem kuwe karé bere.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Nyanra Njekawkulege 7:37

E Moise nè nga kuwe á ndɔ ke ede kosdooge ke Israel ede nè: «Ndɔ ke rang Nube à ɔr njéribe-dè-tàge ke tànn’t ke tite’m man bè kade sei. Doo nè nga a è ngokon si ke dann si sei’t kuwe.»

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

Hebreuge 2:1

Gir’n ke nè á, gar-gar ade j’adi kem̂ jéi è dè ra jéi’t dum ke kété ɔje dè nyange ke j’ooi tà’n ɓá nga. Ke nè á jè rai bè lé ɓaa, j’à nditei ndàl kosoi kɔke.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.