Nyanra Njekawkulege 3:20 - Nouveau Testament en Gulay 2004

²⁰ Titeke bè á Kuwe-ɓee à ade’n sei loo taa kebe ndɔ ke à ule’n Jésu-Krist kade tel ree on’n ɓee le’n.

Nyanra Njekawkulege 3:20 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Marc 13:26

Kerɔte kuwe, d’a d’an’m man Ngonn doo loo tel ree’t le’m dann bum’t se tɔgmong a, se riɓar a tɔ.

Tà ke Maje ke Luc ndang 19:11

Dooge uri mbi de ooi tà le Jésu. Loo ke è an titeke d’ur mbi de d’oo tà le’n ɓaa, è unn sertà karé ke rang ede de tede nain ngɔr kade à tee Jérusalem. Dooge nè giri kêm de’t edi nè nain ngɔr ɓaa Konɓee le Nube ayé kunde loo tee pan ta.

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

2 Nje Ke Thessalonique 2:2

le kade in-in kalang adi tàgir le si aw yo-yo nè-nè lé. Adi kem̂ ɓel ke ɔje dè nel tà ke in ra doo karé’t éké tà karé bè, éké magtub karé ke d’ede nè in ra jé jè’t ade bainléa i giri edi nè ndɔ tel ree le Kuwe-ɓee nga tee ɓá ta.

2 Nje Ke Thessalonique 2:8

Njèkem̂yêr ke njè kɔse tà mbeng à unde loo tee ɓaa, ke loon’t nè kuwe, kundu tà Kuwe-ɓee Jésu à unde’n tɔl’n soin. Kuwe-ɓee Jésu à gudu’n ngoin-ngoin ndɔ tel ree’t le’n se ra’n ke ndoin kein-kein dann ndubra’t.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.