Nyanra Njekawkulege 3:19 - Nouveau Testament en Gulay 2004

¹⁹ I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 3:19 ပူးပေါင်းရင်းမြစ်များ

Matthieu 13:15

Oiyo, dè ɓengre kosdooge nè nga nder ɗàk-ɗàk. Dé njé kunn mbi de dè tàge’t nga, d’utu kum de nám-nám nè bainléa n’a kan-in loo, dé tɔse mbi de ká-ká dé tɔ nè bainléa n’a kooi tà. D’ade ɓengre de nder ɗàk-ɗàk, nè bainléa n’a geri tà nè nga kade n’ɔsi wan n’teli ke ram’t le kade m’aje’n dé.» Tà nè nga aw loon’t deĵ.

Matthieu 18:3

– Kerɔte kuwe, man m’ede sei ndàt, ke nè á i turi hal si, i teli i tooi asinan se ngannge ke dap-dap lé ɓaa, a ulei dè si kêm Konɓee ke danrán ndan lé.

Tà ke Maje ke Luc ndang 1:16

Ngonn nè nga à ade ngannkà Israelge à ɔsi wan teli kilei koje dè Kuwe-ɓee’t le de.

Tà ke Maje ke Luc ndang 22:57

Nè Pierre naje ede nè: – Dinye, man m’geré lé.

Nyanra Njekawkulege 1:6

E á njékawkulege ɔsi nja nan ra Jésu’t deji nin edi nè: – Kuwe-ɓee, ké ɗarinè kuwe è ndɔ ke a i tel’n se konɓee le ngann Israelge kade gugu ta wa?

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 17:26

Girkoje doo karé bere luk-luk kuwe á Nube unde’n girkoje kosdooge malang ke ndii dè nang nè bere mbak. E ɔje kurloo se ninn loo ndi de ade de a tɔ.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 28:27

Kerɔte kuwe, ɓengre kosdooge nè nga nder ɗàk-ɗàk. Ade teli njé dum nange, Ei uti kum de, nè bainléa n’a kan-in loo se kum de; d’utu mbi de nè bainléa n’a kooi tà se mbi de; d’ade ɓengre nder nè bainléa n’a geri gir tà, le kɔsi wan teli ke ra’m man Nube’t kade m’aje’n de.

Nyanra Njekawkulege 3:20

Titeke bè á Kuwe-ɓee à ade’n sei loo taa kebe ndɔ ke à ule’n Jésu-Krist kade tel ree on’n ɓee le’n.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

2 Nje Ke Thessalonique 1:10

Kuwe-ɓee Jésu à tel ree le kade njé ke le’n ilei riɓar dènn’t a, le kade njétaakem̂nge malang à an-in nin njai-njai kem̂ ndɔn’t nè nga. Sei géa a k’ei dann de’t tede umi kem̂ si dè tà’t ke ndɔ ke j’ede sei.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Timothee 2:25

Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

Hebreuge 4:1

Ndɔ ke Nube unn ndu’n ede nè j’à j’awi loo taa kebe’t le’n. Ndukunn le’n nè nga tò njáng ɓai. Bè ɓaa, ade j’undei kumkunju dè ra jéi’t le kade doo karé dann si’t ɔse loo taa kebe nè nga pat nal lé.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

2 Pierre 3:8

Kotárge le’m, adi kem̂ si wei nal dè tà’t nè nga lé: Ndɔ ke karé bere nga tò asenan se ɓal aru dɔg a, ɓal aru dɔg nga è tite ndɔ ke karé bere tàkum Nube’t a tɔ.

Lookilera’n 21:4

Nube à tise mann non kum de’t ndát-ndát. Yo se kumndoo yo se kem̂kon à gotoi njing se non. Non se wuwi à ɓar gugu bè lé njing ta. Nyange ke mari gotoi njêl karè.»