Nyanra Njekawkulege 3:17 - Nouveau Testament en Gulay 2004

¹⁷ Ngakonmge, man m’ger mbak titeke nyan ke sei se ngar-ɓeege le si i rai ɗarinè nga, i rai dè mbe’t karè.

Nyanra Njekawkulege 3:17 ပူးပေါင်းရင်းမြစ်များ

Tà ke Maje ke Luc ndang 23:13

Pilate ɓar maw njékuje nyan-mesege se njékɔr non dooge a, se kosdooge a tɔ, ɔse nja de nan’t.

Tà ke Maje ke Luc ndang 23:34

Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 7:52

Dé deje Nicodème d’ede nè: – Ké i kuwe géa i tel rai doo ke Galilée tɔ wa? Ke nè á i nder gir tà kêm Magtub’t le Nube maje an ɓaa, njèribe-dè-tà ke tà Nube’t à in kêm ɓeekon ke Galilée lé. [

Nyanra Njekawkulege 13:27

Tede dooge ke ndii kêm ɓee-bò ke Jérusalem se njékɔr non dege giri titeke Jésu è njèkaje dooge lé. Magtubge le njéribe-dè-tàge ke tà Nube’t ke dé tute se ndɔ taa kebege karé-karé malang nga géa, dé ger gir lé a tɔ. Dé gangtà dè Jésu’t d’ade tàge ke tooi kêm magtubge’t le njéribe-dè-tàge ke tà Nube’t aw loon’t deĵ.

Nyanra Njekawkulege 22:5

Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 26:9

Kerɔte kuwe, man nga kété m’gir kêm’t le tuju ri Jésu ke Nazareth nè nga gar-gar kɔke.

Nyanra Njekawkulege 28:21

Juipge ilei Paul dè’t edi nè: – Jè ɓaa, j’inge magtub karé ke in Judée ɔje dèi lé. Taɓai ngokon jé karé ke in nú ree ɔr ser nyanrai ke maje éké ke majelé ade j’oo lé a tɔ.

Nyanra Njekawkulege 7:40

Kà jéige nga ndɔ ke edi Aaron edi nè: «I ra nubege ke j’an se kum jé ade njiyei non jé’t kété tede Moise ke njè kade j’unde loo kêm ɓeekon ke Egypte jè tee nga, ɗarinè nyan ri á tee dènn’t géa jè ger lé.»

Nje Ke Rome 11:2

Dooge ke Nube tɔr de kété mari ke desêin nga à mbate de ndan lé. Tà ke Magtub ke tò se ninn’n tam ɔje’n dè Elie nga, sei i geri mbak. Eli, njèribe-dè-tà ke tà Nube’t nga, ndɔ ke ile tà dè kosdooge ke Israel, non’n ra’n non Nube’t ede nè:

1 Nje Ke Corinthe 2:8

Kumkunju le Nube nga, doo karé bè dann njékonɓeege ke ndii dè nang nè ke ger’n goto. Ke nè á ndɔ ke njékonɓeege ke ndii dè nang nè geri nin ɓaa, né à adi d’ade ɓer Kuwe-ɓee ke njè ndubra kàde kage-ke-dese’t lé.

2 Nje Ke Corinthe 3:14

Nè ngann Israelge nga, tàgirge le de teli tugei ndul bigm kuwe ɓai. Sár tee ɓila, loo ke d’ade tute magtub mann-ra ke mari nga ɓaa, tà kubu nè nga ɔr kum de’t lé kuwe ɓai-ɓai. Doo ke um nan’t bɔk se Krist ɓita tà kubu nè ɔr kumn’t oso nang ɓai.

Nje Ke Ephese 4:18

Tà gir le de tel tuge ndul bigm; dé mbate kum se Nube bɔk ɔje dè ndikumgajer le’n ke è ade dooge. Dé ger nyan lé tede kem̂nder urkei dè ɓengre de’t.

Nje Ke Philippes 1:22

Nè ke nè á ndii’m kumgajer dè nang nè à ade m’a m’ra nyan ke soo’t ɓai ɓaa, m’ger nyan ke kum ra get lé tede kem̂’m naje nan tà.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.