Nyanra Njekawkulege 3:16 - Nouveau Testament en Gulay 2004

¹⁶ Njèdɔgemete ke nda nè nga, sei an-in nin a, sei geri nin a tɔ. Takul ri Jésu ke unde kêm’n de’t á nja’n mong’n ɗaj-ɗaj ade an-in malang.

Nyanra Njekawkulege 3:16 ပူးပေါင်းရင်းမြစ်များ

Matthieu 14:29

Jésu ede Pierre ede nè: – I ree ke laa. Pierre rise kêm bato’t, njiye dè mann’t kum’n ke ra Jésu’t.

Matthieu 9:22

Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 7:23

Sei ujei tà mɔte doo se ndɔ taa kebe tede kile’n koje dè gute-ndu Moise’t. A ɓaa, ké bain á i rai wong se’m tede kaje ke ndɔ ke m’aje danra doo bere mbak se ndɔ taa kebe nga wa?

Nyanra Njekawkulege 14:9

Doo nè nga ndi ur mbi’n oo’n tàge ke Paul ndi à tam. Paul an dingem nè nga kàkàk. E ger titeke doo nè nga aw se kundekêm ke asekum kaje’n.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Nyanra Njekawkulege 3:6

Nè Pierre ede dingem nè nga ede nè: – M’aw se nar-nda éké nar-ɔr jim’t le kadi lé. Nè nyan ke tò jim’t nga, m’a m’adi se ri Jésu-Krist ke Nazareth, ɔse nang in dɔ i njiye.

Nyanra Njekawkulege 3:8

E ɔse nang karkat in dɔ. Unn gir njiye, aw a, tel a tɔ. E njiye tal jaker-jaker, aw se de kêm kei’t le Nube ɗɔi’n.

Nyanra Njekawkulege 4:10

Maje kade sei a, kosdooge ke Israel malang a tɔ, i geri tà nè maje. Jésu-Krist ke Nazareth nga sei ɓeri kàde kage-ke-dese’t, nè Nube ade unde loo tee dann njé ke koo’t. Takul ri’n á ɓila doo nè nda mong’n ɗaj-ɗaj tàkum si’t malang.

Nyanra Njekawkulege 4:30

Ule jii njúng ade de le kade d’ɔr’n ratur ra dooge’t, le kade dé ra’n nyankɔbge se nyange dum kum takul ri Jésu, ngonn njèndi lei ke ɔr’n unde’n se ninn’n nga.

Nyanra Njekawkulege 4:7

D’ade Pierre se Jean undei loo teei reei ndai dann de’t. Dé deje de d’ede nè: – Ké bain á i rai nyan nè nga wa? Sei adi nja njèdɔgemete mong ɗaj-ɗaj. Ké tɔgmong le nan éké takul ri nan á sei rai nyan nè nga wa?

Nje Ke Rome 3:22

Nube ɔr tà dè dooge’t malang tede kêm de ke undei dè Jésu-Krist’t, m ɔr kum doo karé dann de’t lé.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.