Nyanra Njekawkulege 3:14 - Nouveau Testament en Gulay 2004

¹⁴ E ke tò se ninn’n ke njè ra nyan se dè naje’n nga, sei utei nin mbeng, nè njè tɔl dooge tá i deji Pilate kade inye’n dɔ ade sei.

Nyanra Njekawkulege 3:14 ပူးပေါင်းရင်းမြစ်များ

Matthieu 27:20

Maw njékuje nyan-mesege se ngatɔgege le kosdooge ke Israel umi tà kêm doobulege’t le kade deji Pilate ade inye Barabbas tá dɔ ade de, nè Jésu ɓaa ndigi le kade dé tɔl’n kɔke.

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Marc 15:11

Nè maw njékuje nyan-mesege umi tà kêm doobulege’t edi nè: – I deji Pilate le kade ade d’inye Barabbas tá dɔ d’ade jèi.

Marc 15:7

Ndɔ ke dingem karé bè ke ri’n nè Barabbas tò dangai’t nan’t se madennge ke njékɔse tà se njékonɓeege. Loo ke ndɔ ke in-in ilei rɔ dè njékonɓeege’t nga, dingem nè tɔl doo karé kêm ndɔn’t nè.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 23:25

Pilate inye Barabbas dɔ ade de titeke dé deje’n. Barabbas nga è doo ke ndɔ ke sule dooge ade tà oso’n kêm ɓee’t a, è tɔl doo a tɔ. Gir’n ke nè á d’uwe’n dangai’t. Nè è ule Jésu ji de’t le kade dé ra se’n nyan ke kêm de ndige.

Jean 16:10

Njè ra se si nga à ade kum de gang dè nyanra ke se dè naje’n tede m’ndi m’aw ke ra Bɔm’t. Sei a i teli kan-in man gugu lé ta.

Jean 18:40

Juipge teli rai nyan wuu edi nè: – Ḿ-m̀, è n’ee lé, nè è Barabbas. Barabbas nga è gon-ɓog.

Nyanra Njekawkulege 13:28

D’inge tà karé bè le gang’n tà yo dè Jésu’t lé. Nè né è bè géa, dé deje Pilate le kade ade dé tɔl’n.

Nyanra Njekawkulege 2:27

Oiyo, i a kinye ngarankum ra’m ɓee le yo lé a, doo lei ke tò se ninn’n nga i a kinye’n kade jɔri pɔtɔk be-ɓade’t lé a tɔ.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Jacques 5:6

Sei ilei tà dè njé ra nyan se dè najennge, i tɔli de se ndáng karè anje kade ilei rɔ adi sei.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: