Nyanra Njekawkulege 3:13 - Nouveau Testament en Gulay 2004

¹³ Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 3:13 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 22:32

« Man m’ee Nube le Abraham se Isaac se Jacob a tɔ.» Nube nga, è Nube le njé ke weii lé, nè è Nube le njé ke ndii kumgajer.

Matthieu 27:2

Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 15:11

Nè maw njékuje nyan-mesege umi tà kêm doobulege’t edi nè: – I deji Pilate le kade ade d’inye Barabbas tá dɔ d’ade jèi.

Tà ke Maje ke Luc ndang 22:57

Nè Pierre naje ede nè: – Dinye, man m’geré lé.

Tà ke Maje ke Luc ndang 23:4

Ngar Pilate ede maw njékuje nyan-mesege se dooge ke kebi nan ede nè: – Doo nè nga man m’an tà karé bè ke uwe dè’n lé.

Tà ke Maje ke Luc ndang 6:37

Ilei tà dè dooge’t lé ɓaa, Nube à ile tà dè si’t lé tɔ. Uwei dooge se tà lé ɓaa, Nube géa à uwe sei se tà lé tɔ. Adi kêm si tin mbit dè majelége’t le dooge ɓaa, Nube géa à ade kêm’n à tin mbit dè majelége’t le si tɔ.

Jean 12:16

Nyan ke Jésu ra nè nga, njékuwe-girnge geri gir ke loon’t nè lé ɓai. Nè ndɔ ke d’ule ndubra dènn’t pa ɓita kêm de à olé dè’t titeke tà nè nga dé ndang d’ɔje’n dè’n. Unn gir kêm ndɔn’t nè nga ɓita njèkuwe-gir-Jésuge geri titeke nyange ke dooge rai se’n nga awi nan’t deĵ se tà ke dé ndang d’ɔje’n dè’n ɓai.

Jean 18:40

Juipge teli rai nyan wuu edi nè: – Ḿ-m̀, è n’ee lé, nè è Barabbas. Barabbas nga è gon-ɓog.

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Jean 19:12

Unn gir ke loon’t nè kuwe, Pilate sang rebe le kinye Jésu dɔ, nè Juipge rai nyan wuu edi nè: – Ke nè á inye doo nyan le doo nè nga dɔ ɓaa, i made César lé. Nanan ke ra ra’n ngar ɓaa, è njèkɔse tà se César.

Jean 19:15

Juipge teli rai nyan wuu edi nè: – I tɔlé ke tɔl kuwe bè! I ɓeré kàde kage-ke-dese’t ade kumé udu kɔke. Pilate tel deje de ede nè: – Ké ngar le si nga kuwe edi nè gar-gar se m’ɓer’n kàde kage-ke-dese’t wa? Maw njékuje nyan-mesege edi nè: – Ngar le jé ke rang goto nè César kuwe karé bere.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 3:12

Nè loo ke Pierre an kosdooge ke reei ra de’t nè nga bè ɓaa, è deje de ede nè: – Sei dooge ke ɓeekon ke Israel, ké bain á adi ndil si tee an-in soin-soin dè njiye ke dɔgemete nè in njiye nga wa? Ké bain á adi kum si tò dè jé jè’t kakak titeke è tɔgmong le jé, éké kile koje dè Nube’t le jé á j’ade dɔgemete nè njiye’n wa? Ḿ-m̀, è jè lé.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

Nyanra Njekawkulege 4:30

Ule jii njúng ade de le kade d’ɔr’n ratur ra dooge’t, le kade dé ra’n nyankɔbge se nyange dum kum takul ri Jésu, ngonn njèndi lei ke ɔr’n unde’n se ninn’n nga.

Nyanra Njekawkulege 7:32

«E man Nube le kài Abraham, Isaac, se Jacob.» Loo ke Moise oo tà nè nga bè ɓaa, ɓel ndebe nginn-nginn ade ngur tel ter loo ke tu nyan’t nè ra’n lé ta.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.