Nyanra Njekawkulege 28:8 - Nouveau Testament en Gulay 2004

⁸ Bɔ Publius tò dè tire ratur’t. Ra’n taa por làm-làm a, ndêng mese ngain a tɔ. Paul aw an’n, è ile ji’n dènn’t ɔje’n tà se Nube tede’n. Bɔ Publius in aje katch-katch.

Nyanra Njekawkulege 28:8 ပူးပေါင်းရင်းမြစ်များ

Matthieu 10:1

Jésu ɓar njékuwe-girnge ke dɔg-gidé-joo ade reei rann’t. E ade de tɔgmong le kade dumi dè ndilge ke majelé a, se le rɔ’n de a tɔ. Tɔgmong nè nga, è ade de le kade d’ɔr’n ratur ke rara géa ra njératurge’t a, se njé ke kêl ra wei tonrin a tɔ.

Matthieu 10:8

Ɔri ratur ra njératurge a, adi njé ke weii tɔsi ndeli in-in a, ɔri banje ra njébanjege’t a, i rɔi ndilge ke majelé kêm dooge’t kɔke a tɔ. Man m’ade sei tɔgmong nè nga kade i rai se dooge karè tite man m’ade sei karè nga tɔ.

Matthieu 12:13

E á Jésu ede doo ke ji’n wei tonrin nè nga ede nè: – I ndaje jii. Ɓaa doo nè nga ndaje ji’n. Ke loon’t nè kuwe, ji’n ke karé ke wei tonrin nga tel mong maje tite made ke karé.

Matthieu 9:18

Loo ke Jésu ndi à ede de tàge nè nga bè-bè ɓai ɓaa, ngar dè kei kebe nan ree ngɔr ke rann’t ɔse keje’n nang ede nè: – Tà ngonn’m ke dinye tête nyonk ɗarinè ɓai, i ree ile ji dènn’t ɓaa, à tel ndikumgajer ɓai.

Marc 16:18

Ke nè á d’uwe li jênênnge se ji de, ke nè á d’an-in kugege ke asikum tɔl de géa, à rai se de nyan karé bè lé a tɔ. Ke nè á d’ile ji de dè njératurge’t ɓaa, ra de à tel mong maj-maj a tɔ.

Marc 5:23

E ndête Jésu ɓɔk-ɓɔk ede nè: – Ngar, ngonn’m ke dinye tò tà yo’t. M’deji le kade i ree ile jii dènn’t aje’n ade’m, m inye’n ade wei lé.

Marc 6:5

Jésu asekum ra nyankɔbe karé bè kêm ɓee ke Nazareth’t nga lé. Nè né è bè géa, è ɔr ratur ra dooge ke nange.

Marc 7:32

Dooge ke nange reei se dingem karé ke njè mbi mbe ra Jésu’t. Dingem nè nga gaker tà ngain. Dé ndête Jésu le kade ile ji’n dènn’t aje’n ade de.

Tà ke Maje ke Luc ndang 13:13

Jésu ile ji’n dè dinye’t nè nga ɓaa, ke loon’t nè kuwe è ute tà’n dɔ a, è unn gir kule ndubra dè Nube’t se ndɔ karé-karé malang a tɔ.

Tà ke Maje ke Luc ndang 4:40

Loo ke gir ndɔ taa kebe gang ade kàde ur ɓá ɓaa, dooge malang otoi njératurge ke raturge gai-gai ra de reei se de som-som ra Jésu’t. E ile’n ji’n dè de’t karé-karé malang, ɔr’n ratur ra de’t.

Nyanra Njekawkulege 28:7

Doo karé ri’n nè Publius, è njèkonɓee ke dè goré loo’t nè nga. E aw se loo le’n kɔte loo’t nè nga ngɔr. Publius uwe jè ke rann’t ra jè mba maje ngain ase ndɔ mute.

Nyanra Njekawkulege 28:9

Gir’n ke nè á gute njératurge ke dè goré loo’t nè nga géa reei ingei Paul adi raturge le de ɔr’n dè de’t.

Nyanra Njekawkulege 9:40

Pierre ade dooge malang teei nata. E ɔse keje’n nang ɔje tà se Nube ɓita tel tur ra’n ke dè ninn’t ede nè: – Tabitha ɔse nang in dɔ. Ke loon’t nè kuwe, Tabitha teen kum’n yerer an Pierre. E gɔl ra’n yák-yák in ndi dɔ ngêrêng.

1 Nje Ke Corinthe 12:28

Dooge ke desêin ke Nube unde de dè njékebe nange’t le’n nga ei njékawkulege, njé ke ɔsi go de ei njéribe-dè-tà ke tà Nube’t. Dooge ke njèkon’t mute ei njéndó dooge nyan. Go’t ɓaa, ei njé ra nyankɔbege se njékɔr ratur ra dooge’t se njé ra se dooge ke rang se njékɔr non dooge a, se njé tam tà tam dooge ke rang gai-gai a tɔ.

1 Nje Ke Corinthe 12:9

Ndil ke karé nè kuwe ade doo karé ke nè aw se kundekêm ke ɓar kage a, ade doo karé ke rang nyan-nojege kade aje’n njératurge a tɔ.