Nyanra Njekawkulege 28:6 - Nouveau Testament en Gulay 2004

⁶ Dooge ndii nginei edi nè bainléa ra’n à tii éké à koso kwei ke loon’t nè. Nè loo ke dé ngine sár d’an nyan karé ke majelé ke ra’n lé ɓaa, dé tel se ndu de d’ede nè: – Doo nè nga è ndil nyan le doo karè.

Nyanra Njekawkulege 28:6 ပူးပေါင်းရင်းမြစ်များ

Matthieu 21:9

Doobulege ke njiyei non Jésu’t kété a, se njé ke njiyei goon’t a tɔ rai nyan beng-beng edi nè: – Maje kade dè mong kang-kang nain se Ngonnkà David. E ke ree se ri Kuwe-ɓee nga, maje kade ndutɔr nain se’n. Njèndi sêm danran’t nga, maje kade dè’n mong kang-kang.»

Matthieu 27:22

Pilate tel deje de kuwe ɓai ede nè: – A ɓaa, ké ri á m’a ra se Jésu ke dé ɓar’n Krist nga wa? Dé malang dé tel d’ile’n dè’t d’ede nè: – Maje kade ade dé ɓer’n kàde kage-ke-dese’t.

Nyanra Njekawkulege 12:22

Doobulege umi nin tɔy edi nè: – E Nube á tam tà m è ndu doo ndul karè lé.

Nyanra Njekawkulege 28:7

Doo karé ri’n nè Publius, è njèkonɓee ke dè goré loo’t nè nga. E aw se loo le’n kɔte loo’t nè nga ngɔr. Publius uwe jè ke rann’t ra jè mba maje ngain ase ndɔ mute.

Nyanra Njekawkulege 8:10

Dooge malang uri mbi ngaw njêt le kooi tà le’n. Unn gir dè ngannge sár tee’n dè njé ke tɔgege’t nga, ei tami edi nè: – Doo nè nga aw se tɔgmong le Nube ke dé ɓar’n tɔgmong ke bò.