Nyanra Njekawkulege 28:26 - Nouveau Testament en Gulay 2004

²⁶ Esaie tam ede nè: «Aw ra kosdooge’t nè ede de ede nè: Sei a kooi se mbi si kuwe, nè sei a i geri gir lé. Sei a kan-in se kum si kuwe, nè sei a kan-in njai lé.

Nyanra Njekawkulege 28:26 ပူးပေါင်းရင်းမြစ်များ

Marc 4:12

Nyan nè nga tee titeke bè, Le kade d’an se kum de, nè d’an njai lé; le kade d’oo se mbi de, nè d’oo ke koo m dé ger gir’n njai lé. Ke nè á dé ger gir njai ɓaa, d’ayé tur hal de le kɔse wan tel ke ra Nube’t ɓaa, Nube ayé kade kêm’n tin mbit dè de’t.»

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Tà ke Maje ke Luc ndang 8:10

E tel ile de dè’t ede nè: – Sei ɓaa, Nube ɔrgir nyange ke ɔje dè Konɓee le’n ke tò loo ɓɔyɔn’t nga ade sei geri ɓá. Nè dooge ke rang ɓaa, nyange ke tooi loo ɓɔyɔn’t ɔje dè Konɓee le Nube nga, d’a d’ede de se gostà. «Nyan nè nga tee titeke bè le kade d’an se kum de, nè d’an njai lé, le kade d’oo se mbi de, nè geri gir njai lé a tɔ.»

Nyanra Njekawkulege 28:25

Dé naje nan tà ngain ade ndu de um nan’t lé. Loo ke d’ade gang nan ɓaa, Paul ede de tà karé bere ede nè: – Tà ke ndɔ ke Ndil-Kêmnda ade Esaie, njèribe-dè-tà ke tà Nube’t ede kà sige nga aw loon’t deĵ.