Nyanra Njekawkulege 28:22 - Nouveau Testament en Gulay 2004

²² Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nyanra Njekawkulege 28:22 ပူးပေါင်းရင်းမြစ်များ

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Nyanra Njekawkulege 15:5

Nè Pharisienge ke nange ke teli njétaakêm-Kristge in-in tami edi nè: – Gar-gar è ta le kade j’adi njétaakêm-Kristge ke ei Juipge lé ujei tà mɔte de a, j’unni ndu jéi j’adi an-in dè gute-ndu le Moise nga sêw-sêw a tɔ.

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 26:5

Man m’ee Pharisien ke njè ra ngang dum ɔje dè rebe manm Nube le jé jèi. Ke nè á Juipge ndigi ɓaa à edi nin titeke è kum kuwe, tede geri man mari bere.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

Nje Ke Rome 1:8

Nyan ke desêin ɓaa, m’ra Nube le’m oiyo takul Jésu-Krist tede tà le si malang, tede kɔbe kundekêm le si toso se loo mbit-mbit bere mbak dè nang nè.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.