Nyanra Njekawkulege 28:2 - Nouveau Testament en Gulay 2004

² Njéɓeege ke dè goré loo’t nè nga rai se jé kêm-maje ke dum kum. Dé ra por d’ade on ɗik-ɗik d’ade jè malang jè ndibe tede ndi ede ade kul on ngain.

Nyanra Njekawkulege 28:2 ပူးပေါင်းရင်းမြစ်များ

Matthieu 10:42

Man m’ede sei ndàt, nanan ke ɔde mann ke sɔl kêm kalmann karé luk-luk ade ngonn karé dann madennge’t ke ei njékuwe-girmge’t tede k’ee ke è njèkuwe-gir’m ɓaa, à nal nyan-kunde nja’n ndan lé.

Jean 18:18

Kul on ngain. Njérɔge se ngann njéndige umi kul poro ndii à ndibi. Pierre géa ndi se de à ndibe por tɔ.

Nyanra Njekawkulege 27:3

Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Nyanra Njekawkulege 28:3

Paul saa ngengreng ke tutu um poro, kundu por unde li jênênn ade tee labe jinn’t tàk don’n.

Nyanra Njekawkulege 28:4

Loo ke njéɓeege ke dè goré loo ke Malte an-in jênênn labe ji Paul’t ɗingew nè ɓaa, ei edi nan edi nè: – Kerɔte kuwe, doo nè nga è njè tɔl dooge. E tee tà yo’t dann ba-bò’t ngɔr nè ɓai, nè Naje le Nube ndige kade ndi kumgajer lé sár.

Nje Ke Rome 1:14

Gar-gar è tà le’m le kaw ra dooge’t malang: Njé nyangerge se njé ger nyan lége, njé gos kumkunjuge se njékumkunju lége a tɔ.

Nje Ke Rome 14:1

Doo ke tɔg kundekêm le’n goto nga, uwei nin ke ra si’t m i giri tà dènn’t yo ke nè lé.

Nje Ke Rome 14:3

Doo ke asekum kuse nyan malang nga, maje kade gangtà dè doo ke njèkuse mbi targe karè nga lé. Doo ke use mbi targe karè nga, maje kade gangtà dè è ke use nyan malang’t nga lé tɔ, tede Nube uwe’n ke rann’t tɔ.

Nje Ke Rome 2:27

I i Juip ke d’uje tà mɔti kuwe. I ndi se magtub gute-ndu ke dé ndang jii’t kuwe. Nè né è bè géa, ke nè á al tà tà gute-ndu’t ɓaa, doo ke d’uje tà mɔte’n lé ke an dè gute-ndu sêw-sêw nga à gangtà dèi’t gar-gar.

1 Nje Ke Corinthe 14:11

Ke nè á m’asekum ger gir tà tam doo karé lé ɓaa, man m’ee tite doo ke dɔ tàkum doo ke njè tam tà nè nga. Doo ke njè tam tà nè nga, man géa m’an’n ke doo ke dɔ a tɔ.

2 Nje Ke Corinthe 11:27

M’ule ra’m ndibe loo kule’t, m’ɔr yàl-yàl a, dɔ-dɔ ɓi ɔde kum’m lé a tɔ. Nja bule ɓo se kunde mann tɔli man a, m’ɔge ra’m dè nyankuse’t se dè kain mann’t a tɔ. Nja bule m’ndi dann kul’t a, kubu kule ram’t goto a tɔ.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

Hebreuge 13:2

Adi kem̂ si wei nal dè ra mba’t lé. Ra mba ke titeke bè á njé ke nange uwei dooge ke danrán ke ra de’t anje kade geri.