Nyanra Njekawkulege 28:16 - Nouveau Testament en Gulay 2004

¹⁶ Loo ke jè tee Rome ɓá ɓaa, d’unn ndu de d’ade Paul le kade uwe kei ke le’n gai ndii’n. D’ɔr njèrɔ karé d’ade è njè ngonm’n.

Nyanra Njekawkulege 28:16 ပူးပေါင်းရင်းမြစ်များ

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 2:10

se ɓeekon ke Phrygie se Pamphylie se Egypte se njé ke in-in kêl ɓeekon ke Libye kɔte Cyrène se njé ke ei mbage ke in-in Rome reei ndii nè a tɔ.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 24:23

Félix unn ndu’n ade njèkan dè njérɔge ke aru karé le kade ngonm Paul se maje’n dangai’t. Taɓai è unn ndu’n ade’n le kade on Paul njanm-njanm lé a, le kade ɔge njé ke le’n le ra se’n dè nyange ke nal’n lé a tɔ.

Nyanra Njekawkulege 27:3

Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Nyanra Njekawkulege 27:31

Paul an bè ɓaa, è ede njèkan dè njérɔge ke aru karé se njérɔge ede nè: – Ke nè á dooge nè nga ndii kêm bato’t lé ɓaa, sei a asikum kaji yo lé.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Lookilera’n 17:18

Dinye ke kété án’n nga, è ɓee-bò ke njèkonɓee dè ngar-ɓeege ke dè nang nè.»

Lookilera’n 17:9

Doo ke njègos nyanger se kumkunju ɓaa à ter gir nyan nè nga. Dan ke dènnge ei ji sejimute nga, ei mbalge ke ji sejimute ke dinye nè ndi dè’t. Mbalge ke ji sejimute nga ei ngar-ɓeege ke ji sejimute tɔ.