Nyanra Njekawkulege 27:7 - Nouveau Testament en Gulay 2004

⁷ J’aw jêkê-jêkê dann ba’t ase ndɔge bule. Tur se jé ngain ɓita j’aw sár jè tee’n kêm ɓee ke Cnide ɓai. Nel ɔge jé kaw jáa; gir’n ke nè á j’ɔr’n kɔge j’aw’n ngɔr se dè goré loo ke Salmoné ɓita j’aw Crète ɓai.

Nyanra Njekawkulege 27:7 ပူးပေါင်းရင်းမြစ်များ

Nyanra Njekawkulege 2:11

Jèi ke nange jèi Juipge ke koje ɓee, njé nange ei Juipge telge, njé ke nange in-in kêm ɓee ke Crète se ɓeekon ke Arabie a tɔ. Nè né è bè géa, dooge nè nga ɔri gir nyanrage le Nube ke maje dum adi j’ooi se tà koje jéi, koje jéi.

Nyanra Njekawkulege 27:21

Jè ndi ase ndɔ bule anje kuse nyan. Paul in nda dɔ dann de’t ede de ede nè: – Hai! mademge, ke nè á ndɔ ke ooi tà tàm’t ɓaa, né j’à j’in-in dè goré loo ke Crète tá kade bato se nyange ke kêmé tuju’n bè lé.

Nyanra Njekawkulege 27:4

J’in loon’t nè, j’ɔr kɔge j’aw se kàde ba-ba sár dè goré loo ke Chypre tede nelge in-in tilei kum jé.

Tite 1:12

Njèribe-dè-tà le de karé ke kinge de kuwe tam ede nè: «Dooge ke ndii kem̂ ɓee ke Crète nga, ei njé lanmge se ndɔge malang. Ei tooi asinan se dan-tonge ke majelé a, ei doo nyankusege ke njé dabege a tɔ.»

Tite 1:5

Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.