Nyanra Njekawkulege 27:4 - Nouveau Testament en Gulay 2004

⁴ J’in loon’t nè, j’ɔr kɔge j’aw se kàde ba-ba sár dè goré loo ke Chypre tede nelge in-in tilei kum jé.

Nyanra Njekawkulege 27:4 ပူးပေါင်းရင်းမြစ်များ

Matthieu 14:24

Loo ke Jésu nain dè mbal’t ɓai nga, bato aw dann ba’t danné bɔp ɓá ta. Kɔr mann tal tile bato mbàs-mbàs tede nel ule tile kum’n.

Marc 6:48

E an titeke tur se njékuwe-girnge ngain loo kɔse bato kade aw ke kété tede nel tile kum de ɔse de ke gugu-gugu. Ase tite tà gir loo’t á Jésu njiye dè ba’t ɔje ke ra njékuwe-girnge’t. E ra titeke ayé tuge tà de gang bè.

Tà ke Maje ke Luc ndang 8:22

Ndɔ karé bè, Jésu se njékuwe-girnge ali kêm bato’t ɓaa, è ede de ede nè: – Ade jè gangi ba j’awi gide ke nú’t. D’ɔte ke loon’t nè d’aw kuwe tɔ.

Nyanra Njekawkulege 13:4

Ndil-Kêmnda ule Barnabas se Saul ade awi kêm ɓee-bò ke Séleucie. Taɓai ei ndai ke loon’t nè ali kêm bato’t awi kum de ke Chypre.

Nyanra Njekawkulege 15:39

Wong ra de dè nan’t ade nanan géa unn rebe ke le’n-le’n. Barnabas ɔr Marc ile’n goon’t ali kêm bato’t awi kum de ke ɓee le’n ke Chypre.

Nyanra Njekawkulege 21:16

Njétaakêm-Kristge ke nange ke Césarée danni jè awi se jé kêm kei le doo karé bè ke ri’n nè Mnason le kade jè tò tutu. Mnason nè nga è njètaakêm-Krist ke mari, ɓee koje’n è Chypre.

Nyanra Njekawkulege 21:3

Nè loo ke j’an dè goré loo ke Chypre non jé’t dil ɓaa, j’inye’n dè jigel jé’t, j’aw kum jé ke ɓeekon ke Syrie j’aw jè rise nang kêm ɓee-bò ke Tyr. Jè nda nang loo’t nè j’ade d’ɔr nyange ke kêm bato’t nang.

Nyanra Njekawkulege 27:7

J’aw jêkê-jêkê dann ba’t ase ndɔge bule. Tur se jé ngain ɓita j’aw sár jè tee’n kêm ɓee ke Cnide ɓai. Nel ɔge jé kaw jáa; gir’n ke nè á j’ɔr’n kɔge j’aw’n ngɔr se dè goré loo ke Salmoné ɓita j’aw Crète ɓai.

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.