Nyanra Njekawkulege 27:38 - Nouveau Testament en Gulay 2004

³⁸ Loo ke d’use nyan d’ade kêm de ndann ɓá ɓaa, dé tile gute sadege le de ke nange dann ba’t le kade bato ɔlé’n pêl ndêin.

Nyanra Njekawkulege 27:38 ပူးပေါင်းရင်းမြစ်များ

Matthieu 16:26

Ke nè á doo karé inge nyan malang ke dè nang nè, nè ile ngarankum ra’n kɔke salang ɓaa, ké ri á è soon’t wa?

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Matthieu 6:25

Gir’n ke nè á man m’ede’n sei: adi kêm si tò kekek ɔje nyankuse ke a usei éké mann kain si éké kubu kule ra si’t lé. Ké ndikumgajer le doo nga è soo’t dum nyankuse lé wa? Ké danra doo dum dè kubu kule ra’t lé wa?

Tà ke Maje ke Luc ndang 12:23

Tede ndikumgajer le si nga dum nyan kuse a, danra si nga dum kubu ke kule ra si’t tɔ.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.