Nyanra Njekawkulege 27:34 - Nouveau Testament en Gulay 2004

³⁴ M’gɔr sei le kade usei nyan tá à è soo si’t kade i ndii kumgajer. Bin dè doo karé bè géa dann si’t à oso kɔke lé.

Nyanra Njekawkulege 27:34 ပူးပေါင်းရင်းမြစ်များ

Matthieu 10:30

Sei ɓaa, bin dè si géa dé tute malang.

Matthieu 15:32

Jésu ɓar njékuwe-girnge rann’t ede de ede nè: – Man m’an kumndoo le doobulege nè nga. An-in! ei ndii se’m ase ndɔ mute nè ingei nyan usei lé. Man m’ndige le kinye de kade awi kêm de ɓo lé nè bainléa kumkil à ra de rebe.

Tà ke Maje ke Luc ndang 12:7

Taɓai, kɔr yinge dè si géa Nube tute ger mbak. Ebi’t ɓel tede sei nga gate si è ngain dum tuinge ke bulei dik-dik.

Tà ke Maje ke Luc ndang 21:18

Nè ke nè á Nube ndige lé ɓaa, bin dè si karé luk-luk géa à ɔr koso kɔke lé.

Nyanra Njekawkulege 27:33

Nain ngɔr kade loo ar ta. Paul ndeje de malang le kade d’use nyan. E unn tà ede de ede nè: – Ɓila è ndɔ ke njèkon’t dɔg-gidé-sɔ ke i ndii i nginei tà yo si anje kuse nyan.

Nje Ke Philippes 2:5

Adi tàgir ke ndɔ ke tò kem̂ Jésu-Krist’t kété mari nga ur kei kem̂ si’t ɓila.

1 Timothee 5:23

I nga ratur rai dɔ-dɔ. Ebe rai kain mann ke karè kuwe njing-njing. An-in mann nduu ndêin bè tede kem̂i ke rai se ndɔ karé-karé nga.