Nyanra Njekawkulege 27:3 - Nouveau Testament en Gulay 2004

³ Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Nyanra Njekawkulege 27:3 ပူးပေါင်းရင်းမြစ်များ

Matthieu 11:21

– Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari.

Nyanra Njekawkulege 12:20

Wong ra ngar Hérode ngain dè dooge ke ndii kêm ɓee-bò ke Tyr se Sidon. Dooge nè umi tà le de nan’t bɔk le ree kingei nin. Nè d’aw d’inge Blastus, paja le ngar Hérode d’ile’n go de’t pa ɓita d’aw ra Hérode’t dé deje’n kêmlom ɓai. Dé deje’n kêmlom titeke bè tede è se tà rebe ɓeekon le’n nè á nyankinge se nyankusege in-in tutu reei kêm ɓee-bòge ke Tyr se Sidon.

Nyanra Njekawkulege 24:23

Félix unn ndu’n ade njèkan dè njérɔge ke aru karé le kade ngonm Paul se maje’n dangai’t. Taɓai è unn ndu’n ade’n le kade on Paul njanm-njanm lé a, le kade ɔge njé ke le’n le ra se’n dè nyange ke nal’n lé a tɔ.

Nyanra Njekawkulege 27:1

D’ɔje njáng le kade d’aw se jé kêm ɓeekon ke Italie se bato. D’um Paul se dangaige ke nange ke rang ji njèkan dè njérɔge ke aru karé ke ri’n nè Julius. E njèkan dè njérɔge le César Auguste.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Nyanra Njekawkulege 28:16

Loo ke jè tee Rome ɓá ɓaa, d’unn ndu de d’ade Paul le kade uwe kei ke le’n gai ndii’n. D’ɔr njèrɔ karé d’ade è njè ngonm’n.