Nyanra Njekawkulege 27:24 - Nouveau Testament en Gulay 2004

²⁴ «Paul, i ɓel lé. Gar-gar a i nda non njèkonɓee’t kêm ɓee-bò ke Rome. An! dooge malang ke ndii sei nan’t kêm bato’t nga, Nube à aje de takuli i.»

Nyanra Njekawkulege 27:24 ပူးပေါင်းရင်းမြစ်များ

Matthieu 10:18

D’ade kali sei kaw se si non njékonɓeege’t se non ngarge ke bò tede tà le’m. Bè ɓaa, ɔri go tà le’m adi de a, adi dooge ke ei Juipge lé a tɔ.

Matthieu 10:28

Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Jean 11:9

Jésu tel deje de ede nè: – Loo ke loo ar sár ɓita kade loo ndul nga, ké kàde karé-karé ke kêmé è dɔg-gidé-joo lé wa? Ke nè á doo karé njiye dann kada ɓaa, nyan à tuge’n kade aw tebel-tebel lé tede an lookar le dooge ke dè nang nè.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 25:11

Ke nè á m’ra majelé ke asekum kade m’wei’n ɓaa, m’a m’naje’n kade yo lé. Nè ke nè á tàge malang ke d’ile dèm’t nga, è se dè naje’n lé ɓaa, doo karé bè géa asekum kuwe’m kule’m ji de’t lé. Man m’ndige le kade César tá gangtà le’m, ɓeekon ke Rome nú.

Nyanra Njekawkulege 27:31

Paul an bè ɓaa, è ede njèkan dè njérɔge ke aru karé se njérɔge ede nè: – Ke nè á dooge nè nga ndii kêm bato’t lé ɓaa, sei a asikum kaji yo lé.

Nyanra Njekawkulege 27:37

Jè malang ke jè ndi kêm bato’t nga, jè dooge aru joo se kɔr-ji sejimute-gidé-mute-mute.

Nyanra Njekawkulege 27:42

Njérɔge ɔji le tɔli dangaige kɔke, nè bainléa doo karé dann de’t à kin kalè mann kan-in kaw.

Nyanra Njekawkulege 27:44

E unn ndu’n ade gute dooge ke nan-in le kade njé ke karége ndii dè kagege ke tɔl’t a, njé ke rang le kade ndii dè begre nyange ke kêm bato’t neli teei nata a tɔ. Titeke bè á dooge malang teei nata se maje’n nal kade doo karé bè géa tuju dann de’t.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Philemon 1:22

Taɓai, maje kade uwe dè nja kei mba ade’m. M’unde kem̂’m tchên le tel kaw ra si’t se go takul kɔje ke ɔji tà se Nube nga.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

Lookilera’n 1:17

Loo ke m’an doo nè nga bè ɓaa, m’oso njann’t nang rɔk tite doo ke wei bè. E ile jikon’n dèm’t nem̂ ede’m ede nè: «Ebe rai ɓel. Man nga m’ee ke desêin a, ke ngeinn’t a tɔ.