Nyanra Njekawkulege 27:23 - Nouveau Testament en Gulay 2004

²³ Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nyanra Njekawkulege 27:23 ပူးပေါင်းရင်းမြစ်များ

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Nyanra Njekawkulege 12:23

Ke loon’t nè kuwe, doo ke danrán ke Kuwe-ɓee ule’n dar ngar Hérode dikew tede è unn tà ra’n è kuwe nal kule ndubra dè Nube’t. Kêm’n oso kurge ɗɔk-ɗɔk ade oso’n sɔrɔk wei’n.

Nyanra Njekawkulege 16:17

Ngonn ke dinye nè nga tɔse ngire gande jé se Paul ndêng-ndêng. E ra nyan go jé’t kaláng-kaláng ede nè: – Dooge nè nga ei ɓer kulege le Nube ke njèndi sêm danrán’t. Ei reei ilei mber rebe kaje adi sei.

Nyanra Njekawkulege 18:9

Ndɔ karé bè, Kuwe-ɓee ede Paul dann ndɔɔ se nyanpinde ede nè: – I tam tà kumi ke kété-kété m i ɓel lé!

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Nyanra Njekawkulege 8:26

Doo ke danrán le Kuwe-ɓee ede Philippe ede nè: – Ɔse nang in dɔ aw kêl se ke dè jikon se rebe ke in Jérusalem aw Gaza. Rebe nè nga è rebe ke dooge ɔsi lé.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 1:9

Tede Nube ke m’ndi m’ra kule m’ade’n se ngarankêm’m bere mbak loo kile mber Tà ke Maje’t le Ngonn’n nga, ger titeke m’tam ngarankum tà. Loo ke m’ɔje tà se Nube ɓaa, m’ɓar ri si se ndɔge malang nonn’t.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

1 Nje Ke Corinthe 6:20

tede Nube ndogo sei se nar ke ngain ji ɓer’t le kaiya ade i ndii dè si pal ta. Gir’n ke nè á umi ra si ke nyan kile riɓar dè Nube’t.

2 Timothee 1:3

Nube ke m’ndi m’ra kule m’ade’n titeke ndɔ ke kàmge rai se go tàgir ke unju nyang-nyang nga, m’ra’n oiyo ngain. M’ebe ra’m dè kɔje tà se Nube tede lei lé. M’ade kem̂’m olé dèi’t ndɔ a, kada a tɔ.

2 Timothee 2:24

Gar-gar, ɓer kule le Kuwe-ɓee à è njè ɓeekos lé; nè gar-gar à è njè kaw lom-lom ra dooge’t malang. Gar-gar à è njè ger gos ndó dooge nyan a, njè koré tà’n njak dè kem̂ majelé’t le njé ke rang a tɔ.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»