Nyanra Njekawkulege 27:22 - Nouveau Testament en Gulay 2004

²² Darinè, m’ndeje sei le kade oréi tà si njak. Doo karé bè géa dann si’t à tuju lé, nè bato kuwe se kar’n á à tuju.

Nyanra Njekawkulege 27:22 ပူးပေါင်းရင်းမြစ်များ

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 27:25

Gir’n ke nè á, mademge oréi tà si njak. M’um kêm bɔk-bɔk dè Nube’t titeke à ra nyan ke ede’m tà’n nè nga kuwe.

Nyanra Njekawkulege 27:31

Paul an bè ɓaa, è ede njèkan dè njérɔge ke aru karé se njérɔge ede nè: – Ke nè á dooge nè nga ndii kêm bato’t lé ɓaa, sei a asikum kaji yo lé.

Nyanra Njekawkulege 27:34

M’gɔr sei le kade usei nyan tá à è soo si’t kade i ndii kumgajer. Bin dè doo karé bè géa dann si’t à oso kɔke lé.

Nyanra Njekawkulege 27:36

Gir’n ke nè á dé malang d’oré’n tà de njak d’use’n mapa se kêmnda káng a tɔ.

Nyanra Njekawkulege 27:44

E unn ndu’n ade gute dooge ke nan-in le kade njé ke karége ndii dè kagege ke tɔl’t a, njé ke rang le kade ndii dè begre nyange ke kêm bato’t neli teei nata a tɔ. Titeke bè á dooge malang teei nata se maje’n nal kade doo karé bè géa tuju dann de’t.