Nyanra Njekawkulege 27:1 - Nouveau Testament en Gulay 2004

¹ D’ɔje njáng le kade d’aw se jé kêm ɓeekon ke Italie se bato. D’um Paul se dangaige ke nange ke rang ji njèkan dè njérɔge ke aru karé ke ri’n nè Julius. E njèkan dè njérɔge le César Auguste.

Nyanra Njekawkulege 27:1 ပူးပေါင်းရင်းမြစ်များ

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Tà ke Maje ke Luc ndang 7:2

Ngonn njèndi le njèkan dè njérɔge ke aru karé bè, ra’n tur’n ngain ade nain ngɔr ɓaa tà’n à tête. Ngonn njèndi nè nga kuwe’n tár’n ngain.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 16:10

Go nyanpinde’t nè nga, j’in ke loon’t nè kuwe jè sang le kaw Macédoine. Jè j’an titeke è Nube kuwe á ɓar jè kade j’aw j’ile mber Tà ke Maje j’ade dooge ke kêm ɓeekon ke Macédoine nè nga.

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 21:32

Ke loon’t nè kuwe, njèkan dè njérɔge ke aru dɔg ɔr njèkan dè njérɔge se njérɔge awi kalang loo ke kosdoo-bulege kebi nan tutu. Nè loo ke d’an njèkan dè njérɔge ke aru dɔg se njérɔge ɓaa, d’ebe ra de dè kunde Paul’t.

Nyanra Njekawkulege 22:26

Loo ke njèkan dè njérɔge ke aru karé oo tà nè bè ɓaa, è tel aw ra njèkan dè njérɔge ke aru dɔg ede’n ede nè: – Ké a i ra ri se rai ta wa? Doo nè nga è ngonn ɓee ke Rome.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 24:23

Félix unn ndu’n ade njèkan dè njérɔge ke aru karé le kade ngonm Paul se maje’n dangai’t. Taɓai è unn ndu’n ade’n le kade on Paul njanm-njanm lé a, le kade ɔge njé ke le’n le ra se’n dè nyange ke nal’n lé a tɔ.

Nyanra Njekawkulege 25:12

Loo ke Festus ɔje tà se njégangtàge ɓaa, è tel ede Paul ede nè: – I ndige le kade César tá gangtà lei ɓaa, m’a m’ade aw non César’t nga kuwe tɔ.

Nyanra Njekawkulege 25:25

Man ɓaa, m’an nyan karé bè ke ndête kade wei’n lé. Nè titeke è kuwe deje le kade ngar Auguste César tá gangtà le’n ɓaa, man m’ɔje le kule se’n kade’n kuwe tɔ.

Nyanra Njekawkulege 27:11

Nè Julius, njèkan dè njérɔge ke aru karé um kêm’n dè tà’t le njèkunn bato se kuwe bato tá ngain dum tà le Paul.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Nyanra Njekawkulege 27:6

Julius, njèkan dè njérɔge ke aru karé inge bato ke in kêm ɓee-bò ke Alexandrie à aw kum’n ke ɓee-bò ke Rome ɓaa, è ade j’al kêmé ke loon’t nè j’aw.

Nyanra Njekawkulege 28:1

Loo ke jè tee tà yo’t ɓá ɓaa, d’ede jè titeke dè goré loo nè ke bato dubu tutu nga ri’n nè Malte.

Nyanra Njekawkulege 28:16

Loo ke jè tee Rome ɓá ɓaa, d’unn ndu de d’ade Paul le kade uwe kei ke le’n gai ndii’n. D’ɔr njèrɔ karé d’ade è njè ngonm’n.

Hebreuge 13:24

I rai lapya njékɔr non sige se njétaakem̂-Kristge malang adi man. Njétaakem̂-Kristge ke kem̂ ɓeekon ke Italie rai sei lapya.