Nyanra Njekawkulege 26:8 - Nouveau Testament en Gulay 2004

⁸ Kunde ke Nube à ade dooge à undei loo teei dann njé ke koo’t nga, ké è tede ri á sei Juipge umi kêm si dè’t lé sár wa?

Nyanra Njekawkulege 26:8 ပူးပေါင်းရင်းမြစ်များ

Tà ke Maje ke Luc ndang 1:37

Tede tɔgmong le Nube asekum ra nyan malang.

Tà ke Maje ke Luc ndang 18:27

Jésu ile de dè’t ede nè: – Nyan ke dooge asikum rai lé nga, Nube asekum ra.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 25:19

Dé naje se Paul tàge ke nange ke ɔje dè rebe manm Nube le de dé Juipge a, se tà ke ɔje dè doo karé bè ke ri’n nè Jésu. Doo nè nga dé Juipge d’ede nè wei se non’n, nè Paul uwe tà’n mong ede nè Jésu nga ndi kumgajer se non.

Nyanra Njekawkulege 4:2

Dooge nè nga kêm de on de ngain dè nyan ke Pierre se Jean ndói kosdooge. Pierre se Jean ndói kosdooge edi nè: Jésu nga unde loo tee dann njé ke koo’t ɓá. Takul tɔgmong le’n á dooge à undei loo teei dann njé ke koo’t.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.