Nyanra Njekawkulege 26:7 - Nouveau Testament en Gulay 2004

⁷ Girkà dooge le jéi ke dɔg-gidé-joo nga undei kêm de tchên titeke Nube à tɔl konn ndukunn le’n nè nga mbas. Gir’n ke nè á ei rai kule adi nin kada a, ndɔɔ a tɔ. Hei! ngar Agrippa, tede kundekêm tchên nè nga á Juipge à ɔdi nan sêke’m.

Nyanra Njekawkulege 26:7 ပူးပေါင်းရင်းမြစ်များ

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 22:30

Titeke bè á sei a usei a, a an-in nyan a tɔ dè table’t kêm Konɓee’t le’m. Sei a ndii dè kutu-ngar’t le gangi tà dè girkà kosdooge ke dɔg-gidé-joo ke ei girkoje le Israel.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 24:15

Nube à ade njé ra nyan se dè najennge se njé ra nyan majelége à undei loo teei dann njé ke koo’t gar-gar. M’um kêm’m dè tà’t nè nga bɔk-bɔk. Dé njé sêkemge nè nga, d’um kêm de dè tà’t nè tɔ.

Nyanra Njekawkulege 26:2

– Ngar Agrippa, ra’m nel’m ngain le kade m’tam tà dè ram’t noin’t ɓila ɔje dè nyange malang ke Juipge ilei tà dèm’t.

Nyanra Njekawkulege 26:3

I ger nyan girkà se tà najege le Juipge nga maje dum doo ke rang. Gir’n ke nè á m’deji le kade ile kêmi pon oo’n tà le’m.

Nyanra Njekawkulege 28:20

Gir’n ke nè á m’ɓar’n sei le kan’n sei a, le kede’n sei tà’n a tɔ. E tede nyan ke kosdooge ke Israel undei kêm de tchên ke dè’t á ɓila m’nda’n se sulge jim’t yew-yew.

Nje Ke Philippes 3:11

Titeke bè á, man kuwe géa m’a m’ase’n kunde’n loo tee’n dann njé ke koo’t.

1 Nje Ke Thessalonique 3:10

Jè deje Nube ndɔ a, kada a, le kade inye loo ade jè tel j’an kum si a, le kade jè tɔl tà nyange ke kundekem̂ le si aw ndoo’n nga a tɔ.

1 Timothee 5:5

Ngarankum njèkei-kinge ke ndi se kar’n nga, unde kem̂’n tchên dè Nube’t. E liger lagr-lagr dè kɔje se’n tà’t a, dè ndête’n ɓɔk-ɓɔk kada a, ndɔɔ a tɔ.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.