Nyanra Njekawkulege 26:5 - Nouveau Testament en Gulay 2004

⁵ Man m’ee Pharisien ke njè ra ngang dum ɔje dè rebe manm Nube le jé jèi. Ke nè á Juipge ndigi ɓaa à edi nin titeke è kum kuwe, tede geri man mari bere.

Nyanra Njekawkulege 26:5 ပူးပေါင်းရင်းမြစ်များ

Nyanra Njekawkulege 15:5

Nè Pharisienge ke nange ke teli njétaakêm-Kristge in-in tami edi nè: – Gar-gar è ta le kade j’adi njétaakêm-Kristge ke ei Juipge lé ujei tà mɔte de a, j’unni ndu jéi j’adi an-in dè gute-ndu le Moise nga sêw-sêw a tɔ.

Nyanra Njekawkulege 22:3

– Man m’ee Juip. D’oje’m kêm ɓee-bò ke Tarse, ɓeekon ke Cilicie, nè koto á d’oto’m kêm ɓee-bò ke Jérusalem nè. M’ndó nyan ra Gamaliel’t ade m’ger’n loo kan dè gute-ndu le kà jéige sêw-sêw. Ra’m olé pêl-pêl dè nyan’t le Nube tite si sei malang ɗarinè tɔ.

Nyanra Njekawkulege 22:5

Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 24:5

Dingem nè nga, j’an’n tò asenan se yo-kos ke tee kêm ɓee’t bè. E njè tule Juipge nan’t ade tà oso’n se kêm ɓee-ɓee. E á è ngol njé le Jésu ke Nazareth, doo nyan le doo nga.